नाशिक ः निफाड तालुक्यातील दावसवाडी येथे महात्मा फुले कृषी विद्यापीठ, राहुरी (Mahatma Phule Agriculture University, Rahuri) संलग्न के.के.वाघ कृषी महाविद्यालयाच्या कृषिदूतांनी (Krushidoot) ग्रामीण कृषी कार्यानुभव व कृषी औद्योगिकता कार्यक्रमांतर्गत शेतकऱ्यांना माती परिक्षणाचे (Soil Test) महत्त्व पटवून दिले.

जमिनीची सुपीकता वाढविण्यासाठी योग्य खतांची निवड आणि शिफारशीत मात्रेत वापर अत्यंत आवश्यक असतो. त्यासाठी माती परीक्षण करणे गरजेचे असल्याचे कृषिदूतांकडून सांगण्यात आले. यावेळी योग्य पद्धतीने मातीचा नमुना कसा घ्यावा हे प्रात्याक्षिकातून दाखविण्यात आले. तसेच शेतकऱ्यांच्या विविध प्रश्नाविषयी चर्चा करण्यात आली.

कृषिदूत अक्षय निकम, सुमित चिंचोले, अनुराग भदाणे,आदित्य गटकळ, सुशांत गडवजे, अभिराज जाधव यांनी उपस्थित शेतकऱ्यांना माती परीक्षणाबाबत माहिती दिली. या उपक्रमासाठी प्राचार्य डॉ. सतिशकुमार हाडोळे, संस्थेचे अध्यक्ष समीर वाघ, सचिव के.एस.बंदी व कॅम्पस समन्वयक डॉ.व्ही .एम.सेवलीकर तसेच महाविद्यालयातील प्राध्यापक परमेश्वरी पवार, गुळवणे, बैरागी, तुषार उगले यांचे मार्गदर्शन लाभले.