Irrigation Scheme नांदेड : पंतप्रधान कृषी सिंचन योजनेंतर्गत (Irrigation Scheme) प्रति थेंब अधिक उत्पादन वाढविण्यासाठी शेतकऱ्यांना पुरविण्यात आलेल्या तुषार, ठिबक सिंचन (Drip Irrigation) संचाचे एका वर्षात दोन हजार शेतकऱ्यांचे चार कोटी रुपयांचे अनुदान (Subsidy) थकले आहे.

शेतकऱ्यांनी पाण्याचा संरक्षित वापर करून पंतप्रधान कृषी सिंचन योजनेंतर्गत शेतकऱ्यांना ८० टक्के अनुदानावर ठिबक, तुषार संच पुरविण्यात येतात. ‘महाडीबीटी’च्या माध्यमातून शेतकऱ्यांची लॉटरी पद्धतीने निवड केली जाते.

यानंतर खरेदी प्रक्रिया झाल्यानंतर शेतकऱ्यांच्या खात्यावर अनुदान वितरित करण्यात येते. हे अनुदान केंद्र तसेच राज्य शासन वितरित करते. मागील काही महिन्यांपासून या योजनेच्या अनुदानाला ब्रेक लागला आहे.

२०२१-२२ या वर्षातील १३३१ शेतकऱ्यांनी ठिबक, तुषार संच खरेदी करून अनुदानाची मागणी केली. त्यांचे तीन कोटी ५५ लाख रुपयांचे अनुदान नुकतेच जमा झाले. परंतु २०२२-२३ या आर्थिक वर्षातील १९२६ शेतकऱ्यांचे चार कोटींचे अनुदान थकले आहे.