Hingoli News : नमो शेतकरी महासन्मान निधी योजनेअंतर्गत (Namo Farmer Mahasanman Fund Scheme) हिंगोली जिल्ह्यातील १ लाख ९५ हजार ८३३ शेतकऱ्यांना लाभ मिळणार आहे.

केंद्र सरकारच्या प्रधानमंत्री शेतकरी सन्मान निधी योजनेच्या धर्तीवर राज्यात देखील नमो शेतकरी महासन्मान निधी योजनेची घोषणा राज्याच्या अर्थसंकल्पाद्वारे जाहीर केली आहे.

त्यात हिंगोली तालुक्यातील ३४ हजार ८८२ शेतकरी, कळमनुरी तालुक्यातील ३८ हजार ८६० शेतकरी, वसमत तालुक्यातील ४३ हजार ०३ शेतकरी, औंढा नागनाथ तालुक्यातील ३४ हजार ४२५ शेतकरी, सेनगाव तालुक्यातील ४४ हजार ६६३ शेतकरी असे जिल्ह्यातील पात्र एकूण १ लाख ९५ हजार ८३३ शेतकऱ्यांना या योजनेचा लाभ मिळणार आहे.

या योजनेतंर्गत जिल्ह्यातील पात्र शेतकऱ्यांसाठी दरवर्षी केंद्र शासन आणि राज्य शासनाकडून प्रत्येकी ११७ कोटी ४९ लाख ९८ हजार रुपये असा एकूण २३४ कोटी ९९ लाख ९६ हजार एवढा निधी प्राप्त होणार आहे.