पुणेः सेंद्रीय शेतीचे अभ्यासक पांडुरंग काका शितोळे यांचे सोमवारी (ता.१३) अल्पशा आजाराने निधन झाले. शितोळे यांनी शेतीचे सुलभीकरण व सेंद्रीय शेतीवर अनेक प्रयोग केले. त्यांनी शेतकऱ्यांसाठी शेती व पाणी या विषयावर सुलभ साहित्य निर्मिती केली.कृषक, पाण्याची ओळख , कृषकाचे पहिले पाऊल, कृषकाची दिशा आदी पुस्तकांचे त्यांनी लिखाण केले. संत तुकाराम व महात्मा गांधींच्या विचारांचा ते पुरस्कार करीत होते.

समाजकार्याबरोबरच शितोळे इएसडी हाऊस, सिस्टीम इंजिनियरिंग व टेक्नोमेक ही कंपनी चालवत होते. समाजकार्य, औद्योगिक क्षेत्र, पर्यावरण अशा अनेक क्षेत्रात त्यांनी आपल्या कामाचा ठसा उमटवला. ग्रामपरिवर्तन, ग्राममंगल, ग्राम गौरव (पाणी पंचायत), आदी संस्थाचे विश्वस्त म्हणून त्यांनी काम केले.