सोलापूर  ः रयत क्रांती संघटनेच्या कार्यकर्त्यांनी राज्यातील शेतकऱ्यांना संपूर्ण कर्जमाफी देण्यासह दुधाला दर वाढवून देण्याच्या मागणीसाठी पंढरपुरात मंगळवारी (ता.७) तहसील कार्यालयासमोर एक दिवसाचे धरणे आंदोलन केले. या आंदोलनादरम्यान कार्यकर्त्यांनी राज्य सरकारच्या प्रतीकात्मक पुतळ्याला दूध आणि बेदाण्यांचा अभिषेक घालत लक्ष वेधले. 

रयत संघटनेचे कार्याध्यक्ष दीपक भोसले यांच्या नेतृत्वाखाली आंदोलन झाले. संघटनेचे आकाश डांगे, सोमनाथ भोसले, सूरज भोसले, सुनील पाटील, नंदू व्यवहारे आणि अण्णा मोरे यांच्यासह कार्यकर्ते उपस्थित होते. या वेळी सरकारच्या प्रतीकात्मक पुतळ्याला या कार्यकर्त्यांनी दूध आणि बेदाण्यांचा अभिषेक घातला. याबाबत श्री. भोसले म्हणाले, ‘‘आम्ही सातत्याने संपूर्ण कर्जमाफी मागतो आहोत. दूधदराचा विषय मांडतो आहोत; पण दखल घेतली जात नाही. शासनाकडे पाठपुरावा करूनही दुर्लक्ष केले जात असल्याने आम्ही आंदोलन करीत आहोत. पुढच्या टप्प्यात आणखी वेगळ्या पद्धतीने आंदोलन करू.’’   संघटनेच्या या आहेत मागण्या...