भडगाव, जि. जळगाव  : गिरणा धरणाच्या जलसाठ्यात यंदाच्या पावसाळ्यात ३४ टक्के वाढ झाली आहे. पाणलोट क्षेत्रातील पाचपैकी दोन धरणे ‘ओव्हर फ्लो’, तर तीन धरणांत ८० टक्क्यांवर साठा आहे. त्यामुळे धरणात पाण्याची आवक वाढली आहे. धरणात रविवारी (ता.२३) ६५ टक्के जलसाठा झाला. धरणातील साठा यंदा शंभरी गाठण्याची शक्यता जाणकारांकडून व्यक्त केली जात आहे.

निम्म्या जळगाव जिल्ह्याचा शेती व पाण्याचा प्रश्न सोडविणाऱ्या गिरणा धरणात गेल्या वर्षी २३ ऑगस्टला ७८ टक्के एवढा उपयुक्त जलसाठा होता. गेल्या वर्षाच्या तुलनेने यंदा १४ टक्के अधिक साठा आहे.

गिरणाच्या पाणलोट क्षेत्रातील पाचपैकी दोन धरणे शंभर टक्के भरली. तर, तीन धरणांतही ८० टक्क्यांपेक्षा अधिक साठा आहे. त्यामुळे त्या धरणातून विसर्ग सुरू आहे. ठेंगाळा बंधाऱ्यातून तीन हजार ४४४ क्यूसेकने धरणात आवक सुरू असल्याचे गिरणा पाटबंधारे विभागाचे एस. आर. पाटील यांनी सांगितले.

गिरणा धरण दृष्टिक्षेपात