जालना : कृषी विज्ञान केंद्र जालनाअंतर्गत ग्रामीण भागातील शेतकरी महिलांसाठी ‘सोलर ड्रायरचा वापर करून फळे व भाजीपाला सुकवणी’ या विषयावर प्रशिक्षणाचे आयोजन कचरेवाडी येथे नुकतेच करण्यात आले होते. 

या प्रशिक्षण कार्यक्रमात महिलांना सोलर ड्रायर उपयोगाविषयी माहिती देण्यात आली. सोलर ड्रायरमध्ये भाज्या वाळविणे या पद्धतीत भाज्यातील पाण्याचा अंश बाष्पीभवनाद्वारे काढून टाकला जातो व ते एक वर्षापर्यंत पदार्थ टिकतो, असे अन्न तंत्र विभागाचे तज्ज्ञ शशिकांत पाटील यांनी समजावून सांगितले.

या वेळी त्यांनी कांदा, कोबी, लसूण व पालक या सारख्या पदार्थांचे प्रात्यक्षिकही करून दाखविले. या प्रशिक्षण कार्यक्रमात गावच्या सरपंच सुभद्रा गणेश जाधव तसेच गावातील महिलांनी सहभाग नोंदवला. साध्या, सोप्या व कमी खर्चाच्या पद्धतींनी भाज्या वाळवून आपल्याला सोलर ड्रायर वापर करून आर्थिक उन्नती करावी, असे मत शशिकांत पाटील म्हणाले.