बीड : जिल्ह्यात दुसऱ्या दिवशीही वादळी पावसाचा तडाखा बसला. धारूर, केज, परळी व वडवणी तालुक्यातील काही भागात मेघगर्जनेसह जोरदार वादळ व पाऊस झाला.

रविवारी (ता. ९) दुपारी धारूर तालुक्यातील भोगलवाडी, चोंडी, सोनीमोहा, थेटेगव्हाण आदी भागात विजांच्या कडकडाट, मेघगर्जनेसह जोरदार पाऊस झाला. काही ठिकाणी विजेचे खांबही पडले. तर, घरासमोरील छत, झाडे उन्मळून पडली.

पावसाळ्या प्रमाणे नदी - नाल्या खळखळून वाहिल्या. भाजीपाला पिकांचे मोठे नुकसान झाले. दरम्यान, शनिवारीही तालुक्यातील काही भागात पावसाने हजेरी लावली होती. मात्र सुदैवाने यात कोणतीही जीवित हानी झाली नाही. यासह केज व परळी तालुक्यातील काही भागांतही पावसाने हजेरी लावली.