नाशिक  : संपूर्ण जिल्हाभरात चांगले पर्जन्यमान असल्याने जिल्ह्यातील मुख्य धरणांमध्ये गेल्या वर्षीच्या तुलनेत यंदा दुप्पट पाणीसाठा उपलब्ध आहे. या वर्षी चांगल्या पर्जन्यमानामुळे नोव्हेंबरअखेरीस जिल्ह्यातील सर्व धरणांमध्ये शंभर टक्के पाणीसाठा झाला होता. त्यानुसार आजमितीला जिल्ह्यातील धरणांमध्ये ८७ टक्के उपयुक्त पाणीसाठा असल्याची माहिती जिल्हाधिकारी कार्यालयाने दिली.  जिल्ह्यातील सर्व प्रकल्प नोव्हेंबर महिन्यात झालेल्या पावसाने काठोकाठ भरले होते. सध्या जिल्ह्यातील प्रकल्पांत ५७ हजार ४८० दलघफूइतका उपयुक्त पाणीसाठा उपलब्ध आहे.मागील वर्षी जिल्हयात केवळ २८ हजार ७४५ दलघफू म्हणजेच ४४ टक्के इतकाच पाणीसाठा शिल्लक होता. या वर्षी तो ८७ टक्के इतका उपलब्ध आहे. जिल्ह्याच्या त्यामुळे नागरी वापरासह शेतकऱ्यांना समाधानकारक आवर्तने देण्याचे निश्चित झाले आहे.  धरणांतील उपलब्ध पाणीसाठा असा (दलघफू)