पुणे ः ढगाळ वातावरणामुळे उकाड्यात वाढ झाली असली तरी कमाल तापमानात काही अंशी घट झाली आहे. अशीच स्थिती तीन दिवस राहणार असून राज्यातील अनेक भागात अंशतः ढगाळ वातावरण राहण्याची शक्यता आहे. मध्य महाराष्ट्र, मराठवाडा कोकण व विदर्भात तुरळक ठिकाणी गारपीट व मेघगर्जनेसह अवकाळी पाऊस होण्याची शक्यता हवामान विभागाच्या सूत्रांनी वर्तविली. 

गेल्या दोन ते तीन दिवसांपासून विदर्भ व परिसर आणि मध्य प्रदेश या भागात चक्रिय वाऱ्याची स्थिती आहे. ही स्थिती समुद्रसपाटीपासून ९०० मीटर उंचीवर आहे. तर कर्नाटकाची किनारपट्टी ते मराठवाडा, कर्नाटक, दक्षिण मध्य महाराष्ट्र या भागात कमी दाबाचे क्षेत्र आहे. ही स्थिती समुद्रसपाटीपासून दीड किलोमीटर उंचीवर आहे. तसेच तमिळनाडूच्या दक्षिण किनारपट्टी परिसरात चक्रिय वाऱ्याची स्थिती सक्रिय आहे. यामुळे राज्यातील अनेक ठिकाणी गारपीट व वादळी वाऱ्यासह पाऊस पडत आहे. पुढील दोन ते तीन दिवस पावसासाठी पोषक वातावरण तयार होत आहे. राज्यातील अनेक भागात कमीअधिक प्रमाणात ढगाळ वातावरण आहे. यामुळे शनिवारी (ता. २०) सकाळी आठ वाजेपर्यंतच्या चोवीस तासात सोलापूर येथे ३७.५ अंश सेल्सिअसची सर्वाधिक कमाल तापमानाची नोंद झाली आहे.  रविवारी (ता.२१) सकाळपर्यंतच्या २४ तासात विविध शहरातील कमाल तापमान अंश सेल्सिअसमध्ये ः