चंद्रपूर ः वरोरा बाजार समिती अंतर्गत असलेल्या वरोरा व माढेली येथे खासगी कापूस खरेदीची सुरवात झाली. या वेळी मुहूर्ताच्या कापसाला ४५०९ रुपये प्रतिक्‍विंटलचा दर मिळाला; तर पहिल्याच दिवशी ४५० क्‍विंटल कापसाची खरेदी झाली.  वरोरा येथे मुहूर्ताला कापूसविक्रीसाठी आणणारे शेतकरी रामदास उमरे, भारत तेलंग, आनंद टाले, मिलिंद जोगीकर या शेतकऱ्यांचा या वेळी सत्कार करण्यात आला. माढेली येथे सुभाष सुराना, शाम पटवडे, नारायण महाकुळकर, वाल्मीक ताजने या शेतकऱ्यांनी मुहूर्ताला कापूस विक्रीसाठी आणला. बाजार समितीचे सभापती विशाल बदखल, जिनिंग संचालक प्रकाशचंद मुथा, बाजार समिती संचालक किशोर भलमे, केंद्र प्रमुख जितेंद्र कुकडे, वरोरा बाजार समितीचे संचालक देवानंद मोरे, सचिव चंद्रसेन शिंदे, श्रीकांत तारेवार या वेळी उपस्थित होते.