परभणी : शेतकऱ्यांच्या प्रश्नांवर राष्ट्रवादी काॅंग्रेसतर्फे मानवत आणि सोनपेठ (जि.परभणी) येथील तहसील कार्यालयावर सोमवारी (ता.२७) हल्लाबोल मोर्चे काढण्यात आले.

मानवत तहसील कार्यालयावर राष्ट्रवादीचे जिल्हाध्यक्ष आमदार बाबाजानी दुर्राणी यांच्या नेतृत्वाखाली काढण्यात आलेल्या मोर्चात तालुकाअध्यक्ष परमेश्वर शिंदे, संतोष लाडाने, कलिम अन्सारी, गंगाधर पितळे, पंकज आंबेगांवंकर आदीसह शेतकरी, कार्यकर्ते सहभागी झाले होते.

सोनपेठ येथे जिल्हा परिषदेचे माजी अध्यक्ष राजेश विटेकर यांच्या नेतृत्वाखाली काढण्यात आलेल्या मोर्चामध्ये माजी आमदार व्यकंटराव कदम, तालुकाध्यक्ष दशरथ सूर्यवंशी, विठ्ठल सूर्यवंशी, लक्ष्मीकांत देशमुख, कांतराव यादव,मारोती सपकाळ, भुजंगराव हुंबे,मदन विटेकर, कांतराव यादव, श्रीकांत विटेकर, राम बेदरे, गणेश जोगदंड यांच्यासह राष्ट्रवादी काँग्रेसचे कार्यकर्ते तसेच शेतकरी मोठ्या संख्येने सहभागी झाले होते. यावेळी तहसीलदार जीवराज डापकर यांना मागण्यांचे निवेदन देण्यात आले.