सोलापूर ः पोषण मूल्यावर आधारित अवघ्या तीन गुंठ्यांत खैरेवाडी (ता. माढा) येथील महिला शेतकरी मनीषा भागवत भांगे यांनी स्वतःच्या अनुभवावर विविध प्रकारच्या ७५ पिकांचे शेती मॉडेल विकसित केले आहे. नऊ वर्षांच्या अथक प्रयत्नांनंतर आज खऱ्या अर्थाने या शेती मॉडेलला मूर्त स्वरूप मिळाले असून, त्यांच्या या मॉडेलच्या पाहणीसाठी जिल्ह्यासह नजीकच्या जिल्ह्यातूनही शेतकरी सातत्याने त्यांच्या शेतावर येतात. 

शाळेचा उंबरठाही न ओलांडलेल्या ६० वर्षीय मनीषाताई पहिल्यापासून शेतीत राबतात. घरची कमी शेती असूनही, आहे त्या शेतीलाच संधी मानून त्यात आपल्यातील प्रयोगशीलता त्यांनी सिद्ध करून दाखवली आहे. श्रीमती भांगेताईंनी विकसित केलेल्या या मॉडेलच्या माध्यमातून पूर्णतः नैसर्गिक पद्धतीने उत्पादन घेतले जाते. वार्षिक किमान चार क्विंटलपेक्षाही जास्त फळे आणि पाच सदस्यांच्या कुटुंबाला वर्षभर पुरेल एवढा भाजीपाला आणि धान्य या तीन गुंठ्यांतून मिळते, असा त्यांचा दावा आहे. यातील फळे आणि भाज्या आपल्या गरजेपुरत्या घरी वापरल्या जातात आणि उरलेली फळे आणि भाज्या बाजारात विक्री केल्या जातात.  काय आहे मॉडेल 

प्रतिक्रिया प्रत्येक शेतकऱ्याला स्वतःच्या कुटुंबाची पोषण सुरक्षा निश्‍चित करणारा हा शेती प्रयोग कोरोनाच्या पार्श्‍वभूमीवर निश्‍चितच प्रत्येक शेतकऱ्याने करायला हवा आणि आपल्या कुटुंबाचा बाहेर जाणारा पैसा तर थांबवावा, सोबतच कुटुंबाचा आरोग्यही जपावे.  - श्रीमती मनीषाताई भांगे, खैरेवाडी, ता. माढा, जि. सोलापूर