औरंगाबाद : मराठवाड्यातील आठही जिल्ह्यात गुरुवारी (ता. ६) सकाळपर्यंतच्या चोवीस तासांत उस्मानाबाद, बीड, हिंगोली, लातूर, नांदेड, परभणी आदी जिल्ह्यातील मंडळांत तुरळक, हलका पाऊस झाला. जालना जिल्ह्यातील २ मंडळात अतिवृष्टी झाली. तर, औरंगाबाद जिल्ह्यातील पैठण तालुक्यात पावसाचा जोर अधिक होता.

प्राप्त माहितीनुसार, जिल्ह्यातील सिंधी मंडळात झालेला २३ मिलिमीटर पाऊस वगळता इतर ५२ मंडळांत तुरळक, हलका पाऊस झाला. उस्मानाबाद जिल्ह्यातील ३१, बीड जिल्ह्यातील ४२, हिंगोली जिल्ह्यातील १७, तर लातूर जिल्ह्यातील ३२ मंडळांत तुरळक, हलका पाऊस झाला. हिंगोली जिल्ह्यातील गिरगाव मंडळात २०.५ मिलिमीटर पावसाची नोंद झाली. 

जालना जिल्ह्यातील ३९ मंडळांत हजेरी लावणारा पाऊस सातोना व सुखापुरी मंडळात अतिवृष्टी रुपात बरसला. सातोना मंडळात ७१.३ मिलिमीटर, तर सुखापुरी मंडळात सर्वाधिक १२३.८ मिलिमीटर पावसाची नोंद झाली. त्यापाठोपाठ जालना जिल्ह्यातील वाटूर मंडळात ३६ मिलिमीटर, वडीगोद्री २३.५, अंबड २०.८, तर केदारखेडा मंडळात २१.५ मिलिमीटर पावसाची नोंद झाली.

परभणी जिल्ह्यातील वालुर मंडळात ३७ मिलिमीटर, तर कुपटा मंडळात ४८.८ मिलिमीटर पावसाची नोंद झाली. औरंगाबाद जिल्ह्यातील ४९ मंडळात हजेरी लावणारा पाऊस पैठण तालुक्यातील अनेक मंडळात दमदार स्वरूपात बरसला. पैठण तालुक्यातील लोहगाव मंडळात सर्वाधिक ६०.८ मिलिमीटर पावसाची नोंद झाली त्यापाठोपाठ ढोरकीन मंडळात ५३.३, बिडकीन ३४.२,पाचोड ४२.२ विहामांडवा ३४.२, नांदर ३४.२,बालानगर ३८.५, तर पिंपळवाडी मंडळात ३४.२ मिलिमीटर पाऊस झाला. जिल्ह्यातील वडोद बाजार मंडळात ३१.३ पिरबावडा मंडळात २६.५ फुलंब्री मंडळात पंचवीस पॉईंट आठ, तर वाळूज मंडळांत ४८ पॉईंट तीन मिलिमीटर पावसाची नोंद झाली.