अकोला ः कोरोनामुळे उद्योगधंदे, व्यापार, शेती, नौकऱ्या, रोजगार सर्वच अडचणीत आलेले आहे. त्यामुळे हे संकट असेपर्यंत विदर्भाच्या सर्वच जनतेला वीज बिलातून मुक्त करा, यासह इतर मागण्यांसाठी विदर्भ राज्य आंदोलन समितीने ७ जूनला वीज व विदर्भ आंदोलन जाहीर केले आहे. समाज माध्यमांद्वारे हे आंदोलन केले जाणार आहे.

याबाबत संघटनेने म्हटले की, वीज विदर्भात तयार होते. शेती, कोळसा, पाणी विदर्भाचे वापरले जाते. प्रदूषणही विदर्भाच्याच वाट्याला आले आहे. आता कोरोनाचा मारही सहन करावा लागत आहे. त्यामुळे नागरिकांकडे पैसा राहलेला नाही. अशा स्‍थितीत जनतेला दिलासा द्यायला हवा. याकडे लक्ष वेधण्यासाठी विदर्भ राज्य आंदोलन समिती ७ जूनला आंदोलन करीत आहे.  लॉकडाऊनचे नियम पाळून नागरिकांनी आपापल्या घरूनच वीज व विदर्भ आंदोलन करावे, असे आवाहन ॲड. वामनराव चटप, राम नेवले, डॉ. श्रीनिवास खांदेवाले, रंजना मामर्डे यांनी केले असल्याची माहिती समितीचे जिल्हाध्यक्ष सुरेश जोगळे यांनी दिली.

या आहेत मागण्या