नागपूर  : मुख्यमंत्री देवेंद्र फडणवीस सहा दिवसांसाठी विदेश दौऱ्यावर गेल्याने त्यांनी मुख्यमंत्रीसह कृषिमंत्री पदाचा प्रभार चंद्रकांत पाटील यांच्याकडे सोपविल्याचे विश्‍वसनीय सूत्रांनी सांगीतले. चंद्रकांत पाटील यांना त्यांच्या वाढदिवसाला विशेष भेट मिळाल्याचे त्यांच्या कार्यकर्त्यांमधून चर्चीले जात आहे.  शनिवार (ता.१६) पर्यंत चंद्रकांत पाटील प्रभारी मुख्यमंत्री राहतील. परंतु कृषिमंत्रीपद त्यांना प्रभारी नाही, तर कायमचेच मिळणार असल्याचे सांगीतले जात आहे. कृषिमंत्री पांडूरंग फुंडकर यांच्या निधनानंतर या पदी सक्षम नेत्याचा शोध सुुरू होता. दादांवर हा शोध संपल्याचे बोलले जात आहे. चार जुलैपासून नागपूरला पावसाळी अधिवेशन सुरू होत आहे. अधिवेशनात कर्जमाफी, बोंड अळीची मदत, अवैध बियाणे, पीककर्ज वितरणातील अनियमितता अशा कृषी विषयक मुद्यांवर विरोधकांकडून घेराबंदीची शक्‍यता पाहता; चंद्रकांत पाटील यांच्यावर कृषिमंत्री पदाची जबाबदारी सोपविण्यात आल्याचेही सूत्र सांगतात.