नांदेड : किमान आधारभूत किंमत खरेदी योजनेंतंर्गंत जिल्ह्यातील राज्य सहकारी पणन संघातर्फे २ हजार ६९९ शेतकऱ्यांचा ४७ हजार ३ क्विंटल, तर विदर्भ सहकारी पणन महासंघातर्फे १ हजार ४०५ शेतकऱ्यांचा २३ हजार ८६७ क्विंटल असा एकूण ४ हजार १०४ शेतकऱ्यांचा ७० हजार ८७० क्विंटल हरभरा खरेदी करण्यात आला. 

हरभरा विक्रीसाठी पणन महासंघाच्या नांदेड, हदगाव, किनवट, बिलोली, देगलूर, मुखेड या सहा केंद्रांवर एकूण १३ हजार ८३८ शेतकऱ्यांनी नोंदणी केली आहे. विदर्भ सहकारी पणन महासंघाच्या भोकर, धर्माबाद, नायगाव या तीन केंद्रांवर ७ हजार ६५१ शेतकऱ्यांनी नोंदणी केली आहे. गुरुवार (ता.२१) पर्यंत जिल्ह्यातील नऊ केंद्रांवर ४ हजार १०४ शेतकऱ्यांच्या ७० हजार ८७० क्विंटल हरभऱ्याची खरेदी झाली.  २८ हजार क्विंटल तुरीची खरेदी 

पणन महासंघातर्फे ४ हजार ४०९ शेतकऱ्यांची १९ हजार क्विंटल आणि विदर्भ पणन महासंघातर्फे २ हजार २९ शेतकऱ्यांची ९ हजार ७११ क्विंटल अशी एकूण ६ हजार ४३८ शेतकऱ्यांची २८ हजार ७११ क्विंटल तूर खरेदी करण्यात आली. तूर विक्रीसाठी राज्य पणन महांसघाच्या सहा केंद्रांवर ८ हजार ९८५ आणि विदर्भ महासंघाच्या तीन केंद्रांवर ४ हजार २८१ शेतकऱ्यांनी नोंदणी केली.  हरभरा खरेदी स्थिती (क्विंटलमध्ये) 

तूर खरेदी स्थिती (क्विंटल)