गेल्या २९ वर्षांपासून बेल्जियम येथील पैदासकार विम डिक्‍लेर्क यांनी शेवंतीच्या सुमारे ४०० जाती विकसित केल्या आहेत. सध्या ते गेडी फ्लोरा या कंपनीमध्ये मुख्य पैदासकार म्हणून कार्यरत आहेत.    शेवंतीच्या आकर्षक फुलांना बाजारपेठेमध्ये आपली स्वतंत्र मागणी आहे. आकर्षकपणा, वैशिष्ट्यपूर्ण रंग आणि अधिक काळ टिकण्याची क्षमता यामुळे गुच्छासह घर सजावटीमध्ये त्यांचा वापर वाढला आहे. नव्या जातीच्या पैदास प्रक्रियेसाठी दोन ते तीन वर्ष लागतात. त्यानंतर अनेक चाचण्यांनंतर ती जात बाजारपेठेत उतरवायची की नाही, याचा निर्णय घेतला जातो. सध्या बाजारपेठेमध्ये असलेल्या शेवंतीच्या जातीपेक्षा विम डिक्‍लेर्क यांनी पैदास केलेल्या जातींची संख्या अधिक आहे.

अनेक नव्या जाती प्रतीक्षेत...