मार्केट ट्रेंडस्.. आर. बी. हर्बल अॅग्रो ही सीआयबी नोंदणीकृत जैविक कीटकनाशके व एफ. सी. ओ. ग्रेडच्या जैविक खतांच्या निर्मितीमध्ये कार्यरत कंपनी असून, त्यांनी पंढरपूर येथील वितरकांच्या स्नेहसंमेलनामध्ये भू-परीस हे उत्पादन बाजारात आणले आहे.

आर. बी. हर्बल अॅग्रो ही कंपनी जैविक कीटकनाशकांच्या उत्पादनामध्ये महाराष्ट्रामध्ये आघाडीवर असून, सीआयबी नोंदणीकृत सर्वाधिक कीटकनाशके तिच्या नावावर आहेत. ‘भू-परीस’ या उत्पादनात जैविक खते व आवश्यक जैविक कीटकनाशकांचा संयुक्तपणे समावेश असल्याने जमिनीतील अन्नद्रव्ये थंड तापमानात संतुलित प्रमाणात उपलब्ध होतात. पिकास नैसर्गिकरीत्या संजीवके मिळतात तसेच पीकसंरक्षणही होत असल्याचा कंपनीचा दावा आहे. याला शासनमान्य उत्पादन परवाना व विक्रीसाठी आवश्यक ओ. फार्मही उपलब्ध आहेत.  द्राक्षामध्ये घडावर पेपर लावण्याआधी बायोसा व्हिबीएमची फवारणी केल्यास मिलीबग नियंत्रण होते. काढणीआधी जैविक द्रव्यांची फवारणी केल्यास रेसिड्यूंचे प्रमाण कमी होण्यास मदत होत असल्याचा दावा कंपनीचे संचालक रामदास पाटील यांनी केला.