Turmeric  Agrowon
मार्केट इन्टेलिजन्स

Turmeric Price: हळद दरात सुधारणांचा ट्रेंड

Turmeric Price: संततधार पावसाच्या फटक्याने यंदा हळदीच्या उत्पादनात ३०% घट झाली आहे. परिणामी, बाजारात हळदीच्या दरात सुधारणा होत असून पुढील काळात आणखी वाढ होण्याची शक्यता आहे.

विनोद इंगोले : ॲग्रोवन वृत्तसेवा

Amravati News: संततधार पावसाचा फटका बसल्याच्या परिणामी यंदा हळदीची उत्पादकता सरासरी ३० टक्‍क्‍यांनी कमी होण्याचा अंदाज वर्तविला जात आहे. त्यामुळे हळद बाजारात तेजी अनुभवली जात असून येत्या काळात दरात आणखी सुधारणा होण्याचा अंदाज बाजार विश्‍लेषकांकडून वर्तविला जात आहे.

शिरपूर जैन येथील प्रयोगशील शेतकरी डॉ. गजानन ढवळे यांच्या माहितीनुसार, हळदीची मे-जून महिन्यात लागवड केली जाते. जानेवारी अखेर किंवा फेब्रुवारीच्या पहिल्या आठवड्यात हळद काढणीस येते. एप्रिलच्या पहिल्या आठवड्यापर्यंत काढणी होते. या दरम्यान लवकर लागवडकर्त्या शेतकऱ्यांद्वारे वाळविणे, उकळणे यासारख्या प्रक्रिया पहिल्याच टप्प्यात होतात. त्यामुळे त्यांचा माल बाजारातही लवकर दाखल होतो.

एकूण हळद उत्पादनाचा अंदाज घेता गट्टू २० ते २५ तर उर्वरित ७५ टक्‍के कांडी राहते. या दोन्हीपासून हळद पावडर मिळत असली तरी गट्टू (बंडा) पासून तयार हळद पावडरचा दर्जा अपेक्षित राहत नाही. त्यामुळे कांडीच्या तुलनेत गट्टूचे दरात सरासरी एक हजार रुपये क्‍विंटलपर्यंतचा फरक राहतो.

हिंगोली बाजारात गेल्या आठवड्यात सेलम जातीच्या चांगल्या प्रतिच्या कांडीची किंमत १० ते ११ हजार रुपयांवर होती. परंतु मागणीच्या तुलनेत आवक कमी झाल्याचे लक्षात येताच १३ हजार ५०० रुपये क्‍विंटलवर याचे दर पोहोचले आहेत.

यंदा हळदीचा पेरा वाढला परंतु उतारा कमी आहे. या पिकाच्या व्यवस्थापनावर एकरी ५० हजार रुपयांवर खर्च होतो. सिंचन सुविधा असलेल्या शेतकऱ्यांना एकरी सरासरी २५ ते २७ क्‍विंटलपर्यंत उतारा मिळतो. यंदा उत्पादकता कमी असल्याने दरात तेजी आली आहे. मार्च एंडींग असल्याने हिशोबासाठी म्हणून बाजार २६ मार्चपासून बंद आहे. आता ३ एप्रिल रोजी बाजार सुरू होईल. त्यानंतर दरात सुधारणा अपेक्षित आहे.
अशोक बाहेती, व्यापारी, हिंगोली बाजार समिती
यंदा संततधार पावसामुळे कंदकुज, कंदसड या समस्यांना शेतकऱ्यांना सामोरे जावे लागले. त्यामुळे हळदीच्या एकूण उत्पादकतेच्या ३० टक्‍के घट झाली आहे. परिणामी बाजारात दर तेजीत आले आहेत. यापुढील काळात हळदीच्या दरात आणखी वाढ होईल, असा अंदाज आहे.
डॉ. गजानन ढवळे, हळद उत्पादक, शिरपूर जैन, वाशीम

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Land Fragmentation Act: शहरी भागात तुकडेबंदी कायदा रद्द करण्याची महसूल मंत्री बावनकुळे यांची विधानसभेत घोषणा

QR Code For fertilizer: ‘क्यूआर कोड’वरून कळणार उपलब्ध खते

Bridge For Ghanegar: साकवावरून जीवघेणा प्रवास

Dahanu Floods: डहाणूमध्ये सूर्या नदीला पूर; सतर्कतेचा इशारा

Tree Plantation: दहा हजार वृक्ष लागवडीचा संकल्प

SCROLL FOR NEXT