नगर, ः नगर येथील दादा पाटील शेळके कृषी उत्पन्न बाजार समितीत गेल्या आठवडाभरात बटाट्याची (Potato Arrival) दररोज सातशे ते नऊशे क्विंटलपर्यंत आवक झाली. बटाट्याला प्रती क्विंटल १५०० ते २७०० रुपयांचा दर (Potato Rate) मिळाला. अन्य भाजीपाल्याच्या आवकेतही (Vegetable Arrival) मोठी वाढ झाली आहे. बाजार समितीत दररोज बटाट्यासह अन्य भाजीपाल्याची दररोज सुमारे दोन हजार क्विटंलपेक्षा अधिक आवक झाली आहे.

नगर येथील कृषी उत्पन्न बाजार समितीत मागील आठवड्यात दर दिवसाला टोमॅटोची साधारणपणे १३० क्विंटलपर्यंत आवक होऊन ८०० ते २ हजार रुपयांचा प्रती क्विंटल दर मिळाला आहे. वांगीची ४० क्विंटलपर्यंत आवक होऊन ५०० ते १८००, फ्वालरची ९० क्विंटलपर्यंत आवक होऊन ६०० ते ४ हजार, कोबीची ९६ क्विंटलपर्यंत आवक होऊन २ हजार ते अडीच हजार, काकडीची ५९ क्विंटलची आवक होऊन दोनशे ते दीड हजार, गवारची २२ क्विंटलची आवक होऊन तीन हजार ते सहा हजार, घोसाळ्याची ५ ते १० क्विंटलपर्यंत आवक होऊन २ हजार ते तीन हजार, दोडक्याची ११ ते १५ क्विंटलची आवक होऊन २ हजार ते साडेतीन हजार, कारल्याची २१ क्विंटलपर्यंत आवक होऊन दीड हजार ते साडेतीन हजार, भेंडीची ५० क्विंटलपर्यंत आवक होऊन २ हजार ते ५ हजार, वाल शेंगाची १४ क्विंटलपर्यंत आवक होऊन १ ते २ क्विंटलची आवक होऊन ४ हजार ते सहा हजार, घेवड्याची १५ क्विंटलपर्यंत साडेतीन ते आठ हजार, बटाट्याची साधारणपणे साडेसातशे क्विंटलपर्यंत आवक होऊन १५०० ते २ हजार ७००, हिरव्या मिरचीची ९० क्विंटलपर्यंत आवक होऊन २ हजार ते साडेचार हजार, शेवग्याची १० क्विंटलपर्यंत आवक होऊन १ हजार ते अडीच हजार, दुधी भोपळ्याची १७ क्विंटलपर्यंत आवक होऊन ५०० ते १२०० रुपये, मका कणसाची १० क्विंटलपर्यंत आवक होऊन १२०० ते १८०० रुपये, शिमला मिरचीची १५ क्विंटलची आवक होऊन २ हजार ते ३ हजार रुपयाचा दर मिळाला आहे. पालेभाज्यात (शेकडा) : मेथीला तीन ते चार हजार, पालकला तीन ते चार हजार, कोथिंबिरीला तीन हजार तीनशे ते चार हजार रुपयांचा दर मिळाला.

भुईमूग शेंगा, रताळीची आवक

नगर येथील बाजार समितीत आषाढी यात्रेच्या पाश्वभूमीवर रताळी, भुईमूग शेंगाची आवक आक झाली. रताळीची ११५ क्विंटलपर्यंत आवक होऊन २५०० ते ३५०० रुपये, भुईमुगाच्या ओल्या शेंगाच्या १७० क्विंटलपर्यंत आवक होऊन २५०० ते ५ हजारापर्यंत दर मिळाला. डांगर, चवळीचीही बाजारात आवक झाली असल्याचे सांगण्यात आले.