हिंगोली ः कृषी उत्पन्न बाजार समितीअंतर्गत धान्य बाजारामध्ये (भुसार मार्केट) शनिवारी (ता. २८) सोयाबीनची (Soybean Rate) ४०० क्विंटल आवक (Soybean Arrival) असताना प्रतिक्विंटल किमान ६४०० ते कमाल ६६३० रुपये तर सरासरी ६५१५ रुपये दर मिळाले, अशी माहिती बाजार समितीच्या सूत्रांनी दिली.

भुसार मार्केटमध्ये सोमवार (ता. २३) ते शनिवार (ता. ३०) या कालावधीत सोयाबीनची २ हजार ७४० क्विंटल आवक झाली. प्रतिक्विंटल किमान ६४०० ते कमाल ६८९० रुपये दर मिळाले. मागील आठवड्याच्या तुलनेत सोयाबीनच्या आवकेत जवळपास दुप्पट वाढ झाली. दरात किंचित सुधारणा झाली.

शनिवारी (ता. २८) सोयाबीनची ४०० क्विंटल आवक असताना प्रतिक्विंटल किमान ६४०० ते कमाल ६६३० रुपये तर सरासरी ६५१५ रुपये दर मिळाले. शुक्रवारी (ता. २७) सोयाबीनची ५३० क्विंटल आवक होऊन प्रतिक्विंटल किमान ६५०० ते कमाल ६७१५ रुपये तर सरासरी ६६०७ रुपये दर मिळाले. गुरुवारी (ता. २६) सोयाबीनची ३९५ क्विंटल आवक असताना प्रतिक्विंटल किमान ६५०० ते कमाल ६७७५ रुपये तर सरासरी ६६३७ रुपये दर मिळाले.

बुधवारी (ता. २५) सोयाबीनची ५०० क्विंटल आवक होऊन प्रतिक्विंटल किमान ६४०० ते कमाल ६८९० रुपये तर सरासरी ६६४५ रुपये दर मिळाले. मंगळवारी (ता. २४) ५२० क्विंटल आवक असताना प्रतिक्विंटल किमान ६५०० ते कमाल ६८५० रुपये तर सरासरी ६६७५ रुपये दर मिळाले. सोमवारी (ता. २३) सोयाबीनची ३९५ क्विंटल आवक होऊन प्रतिक्विंटल किमान ६४४० ते कमाल ६८५० रुपये तर सरासरी ६६४५ रुपये दर मिळाले.