Apple Price agrowon
मार्केट इन्टेलिजन्स

Apple Market : वाशी बाजारात हिमाचल सफरचंदांची बंपर आवक

Apple Rate : सफरचंद हे वर्षातील बाराही महिने उपलब्ध असणारे फळ. वाशीच्या एपीएमसी बाजारात भारतासह परदेशातूनही सफरचंदाची आवक होते.

Team Agrowon

Washi News : सफरचंद हे वर्षातील बाराही महिने उपलब्ध असणारे फळ. वाशीच्या एपीएमसी बाजारात भारतासह परदेशातूनही सफरचंदाची आवक होते. सध्या घाऊक आणि किरकोळ बाजारात सफरचंदाचे भाव चढेच पाहायला मिळतात. आता हिवाळ्याच्या सुरुवातीला एपीएमसीत हिमाचली सफरचंदांची आवक वाढल्याने भाव सर्वसामान्यांच्या आवाक्यात येतील, असा अंदाज व्यापाऱ्यांकडून वर्तविला जात आहे.

नवरात्रीच्या काळात उपवास करणारे बहुतेक जण फलाहार घेण्यास प्राधान्य देतात. त्यामुळे या काळात फळांना विशेष मागणी पाहायला मिळते. इतरवेळीदेखील आरोग्य निरोगी ठेवण्यासाठी दिवसातून एक सफरचंद खाण्याचा सल्ला डॉक्टरांकडून दिला जातो.

त्यामुळे सफरचंद फळाला बाजारात बाराही महिने मागणी असते; मात्र याचा भाव नेहमीच चढता असल्याने सर्वसामान्यांच्या आवाक्याबाहेर असतात. वाशीतील एपीएमसी बाजारात सध्या हिमाचली सफरचंदांची आवक वाढली आहे. मंगळवारी (ता. ८) एपीएमसीत ८,९३५ क्विंटल हिमाचल सफरचंदाची आवक झाली.

काश्मिरी सफरचंद आल्यानंतर दर आणखी कमी होणार

ऑगस्टमध्ये हिमाचल प्रदेशहून किन्नोर जातीचे सफरचंद बाजारात येण्यास सुरुवात होते व ऑक्टोबरपर्यंत हंगाम असतो. त्यामुळे सध्या बाजारात आवक वाढल्याने दर किंचित कमी झाल्याचे पाहायला मिळत आहे. सध्या घाऊक बाजारात १०० ते १४० रुपये प्रतिकिलोने हिमाचली सफरचंद विकले जात आहेत.

यापूर्वी घाऊक बाजारात १५० ते २०० रुपये किलोने विक्री होणाऱ्या सफरचंदांचे दर आता सर्वसामान्यांच्या आवाक्यात अाले आहेत. त्याशिवाय काश्मीरहून आलेले सफरचंद ८० ते १२० रुपये किलोने घाऊक बाजारात विकले जात आहेत. काश्मिरी सफरचंदांचा हंगाम सुरू असून डिसेंबर ते जानेवारीपर्यंत सुरू राहण्याची शक्‍यता आहे.

ऑक्टोबर हा हिमाचल सफरचंदांचा शेवटचा हंगाम असून याची आवक बाजारात मोठ्या प्रमाणात होत आहे. सध्या बाजारात हिमाचली किन्नोर प्रजातीचे सफरचंद विकले जात असून १०० ते १४० रुपये प्रतिकिलो असे दर आहेत. त्याशिवाय बाजारात काश्मिरी सफरचंद येण्यास सुरुवात झाली असल्याने दर आणखी कमी होण्याची शक्यता आहे. त्यामुळे पुढील काळात दर सर्वसामान्यांच्या आवाक्यात येतील, अशी अपेक्षा आहे.
- महेंद्र हांडे, व्यापारी, एपीएमसी

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Seed Bill 2025 : वीज सुधारणा आणि बियाणे विधेयकाच्या विरोधात एसकेएमचे ८ डिसेंबरला आंदोलन

Irrigation Projects: सिंचन प्रकल्पांत जलसाठा ८० टक्क्यांवर

Onion Storage Subsidy: कांदा चाळीसाठी प्रतिटन चार हजारांचे अनुदान

District Development: वाशीमच्या सर्वांगीण विकासाला गती द्या; कुंभेजकर

Healthcare Service: रुग्णालयांनी पारदर्शक आरोग्यसेवा उपलब्ध करून द्यावी: जिल्हाधिकारी कुमार आशीर्वाद

SCROLL FOR NEXT