Soybean Rate Update : सध्या जागतिक सोयाबीन बाजाराचं लक्ष अमेरिकेतील सोयाबीन पिकावर आहे. अमेरिकेत सोयाबीन पेरणी जवळपास पूर्ण झाली. पण पावसाने पाठ फिरवली. याचा पिकावर परिणाम होत आहे. यामुळे दरातही सुधारणा दिसून येत आहे.

अमेरिकेच्या सोयाबीनचा भारतीय सोयाबीन उत्पादक शेतकऱ्यांवर तुलनेत जास्त परिणाम होत असतो. कारण अमेरिकेतील सोयाबीन सप्टेंबरमध्ये बाजारात येते. तर भारताचे सोयाबीन ऑक्टोबरपासून बाजारात यायला सुरुवात होते.

अनेक अभ्यासक आणि संस्था दोन्ही देशांचा हंगाम एकाच काळात पकडतात. त्यामुळे अमेरिकेत उत्पादन वाढले किंवा घटल्याचा काहीसा परिणाम लगेच देशात जाणवू लागतात. कारण भारताच्या सोयाबीनचे दर प्रामुख्याने सोयापेंड निर्यातीवर अवलंबून असतात. सोयापेंड बाजारावर अमेरिकेचा जास्त परिणाम होत असतो.

आतापर्यंत अमेरिकेतील सोयाबीन पेरणी जवळपास पूर्ण झाली. अमेरिकेत यंदा पेरा वाढण्याची शक्यता होती, पण तसे झाले नाही. गेल्यावर्षीऐवढेच क्षेत्र अमेरिकेत सोयाबीन खाली आले. पण अमेरिकेतील मध्य पूर्वेतील भागात सध्या उष्ण वातावरण आहे.

मागील काही दिवसांमध्ये या भागात पाऊस झालेला नाही. त्यामुळे शेतकऱ्यांची चिंता वाढली आहे. यंदा अमेरिकेत सोयाबीन उत्पादन ६४ लाख टनांनी वाढून १ हजार २२७ लाख टनांवर पोचेल, असा अंदाज युएसडीएने व्यक्त केला. पण सोयाबीन उत्पादन शेवटी पाऊसमान कसे राहते यावर अवलंबून राहील. अर्जेंटीनात यंदा उत्पादनवाढीची शक्यता आहे.

तापर्यंत अमेरिकेतील सोयाबीन पेरणी जवळपास पूर्ण झाली. यंदा अमेरिकेत सोयाबीन उत्पादन ६४ लाख टनांनी वाढून १ हजार २२७ लाख टनांवर पोहोचेल, असा अंदाज ‘यूएसडीए‘ने व्यक्त केला. अमेरिकेत यंदा पेरा वाढण्याची शक्यता होती, पण तसे झाले नाही. गेल्या वर्षी ऐवढेच क्षेत्र अमेरिकेत सोयाबीन खाली आले.

पण अमेरिकेतील मध्य पूर्वेतील भागात सध्या उष्ण वातावरण आहे. अनेक भागात पिकाला पोषक पाऊस झाला नाही. मागील काही दिवसांमध्ये या भागात पाऊस नाही. त्यामुळे शेतकऱ्यांची चिंता वाढली आहे. त्यामुळे सोयाबीन उत्पादन शेवटी पाऊसमान कसे राहते यावर अवलंबून राहील. पण सध्याच्या वातावरणामुळे शेतीमाल बाजारालाही आधार मिळाला.

किती झाली वाढ?

सोयाबीन उत्पादक भागात पाऊस नसल्याने दरात वाढ पाहायला मिळत आहे. शुक्रवारी सीबाॅटवर सोयाबीनचे वायदे २.६६ टक्क्यांनी वाढले होते. शुक्रवारी सोयाबीनचे वायदे १४.६६ डाॅलरवर बंद झाले होते. सोमवारी १३.७३ डाॅलरवर बाजार सुरु झाला होता.

म्हणजेच आठवड्यात सोयाबीनच्या वायद्यांमध्ये ९३ सेंटची वाढ झाली होती. सोयापेंडचे वायदेही ५.६२ टक्क्यांनी वाढले होते. शुक्रवारी सोयापेंडचे वायदे ४१६ डाॅलरवर बंद झाले. सोमवारी सोयापेंडचे वायदे ३७३ डाॅलरवर सुरु झाले होते. सोयातेलाचे वायदेही दोन टक्क्यांनी वाढून ६० सेंट प्रतिपाऊंडवर पोचले होते.