सांगली ः येथील कृषी उ‍त्पन्न बाजार (Sangli APMC) समिती गुळाची आवक कमी अधिक होत आहे. गतसप्ताहात गुळाची २८८७२ क्विंटल आवक झाली असून त्यास प्रतिक्विंटल ३२०० ते ४०२८ रुपये असा दर होता दिवाळीनंतर बाजार समितीत नव्या गुळाची आवक सुरू होईल, अशी माहिती बाजार समितीच्या सूत्रांनी दिली.

गतसप्ताहात परपेठ हळदीची १२६१ क्विंटल आवक झाली होती. गतसप्ताहापेक्षा चालु सप्ताहात १०३३ क्विंटलने हळद आवक वाढली होती. हळदीला प्रतिक्विंटल ४००० ते ८०३३ रुपये असा दर होतो. राजापूर हळदीची आवक ५९२ क्विंटल झाली होती. गतसप्ताहापेक्षा चालु सप्ताहात ११८ क्विंटलने आवक कमी झाली होती. हळदीस प्रतिक्विंटल ५००० ते ८१०० रुपये असा दर मिळाला होता. ज्वारी (शाळू)ची २०० क्विंटल आवक झाली असून त्यास प्रतिक्विंटल ३००० ते ४१०० हजार रुपये असा दर मिळाला.

वाटाणाची ६० क्विंटल आवक झाली होती. वाटाण्यास प्रतिक्विंटल ४५०० ते ५४०० रुपये असा दर मिळाला. बाजरीची ८१ क्विंटल आवक झाली असून त्यास प्रतिक्विंटल २३५० ते २८५० रुपये असा दर होता. सोयाबीनची २२५ क्विंटल आवक झाली. गतसप्ताहापेक्षा चालु सप्ताहात सोयाबीनच्या आवकीत २५५ क्विंटलने घट झाली होती. सोयाबीनला प्रतिक्विंटल ४६६६ ते ५०८३ रुपये असा दर होता. मिरची, बेदाणा, यासह अन्य धान्याची आवक कमी झाली आहे.