जनावरांचा गोठा मोकळा आणि कोरडा असला पाहिजे. गोठा नेहमी काहीशा उंचीवरच्या सपाट जमिनीवर असला पाहिजे.

गोठा मुरमाड, पाण्याचा योग्य प्रकारे निचरा होणाऱ्या जमिनीत असल्यास जनावरांच्या मलमुत्राचीही योग्य विल्हेवाट लावता येईल.

गोठ्यात जनावरांचे मुत्र साचू नये म्हणून, जमिनीला एक टक्क्यापर्यंत उतार द्यावा. गोठा वेळोवेळी स्वच्छ करण्यासाठी त्याठिकाणी पाणी मुबलक प्रमाणात उपलब्ध असले पाहिजे.

गोठा बांधताना गोठ्यात भरपूर प्रमाणात सूर्यप्रकाश येईल याची काळजी घ्यावी. गोठ्याची लांबी पूर्व-पश्चिम ठेवावी.

हवा खेळती राहिल्याने गोठ्यात अमोनिया वायु साचून राहणार नाही. गोठयापासून शेण टाकण्याची किंवा साचवून ठेवण्याची जागा ६० फूट अंतरावर असावी.