कोकोनट तेल, खोबरे , नारळ पेंड यांच्या जीएसटीतील संभाव्य ५ टक्के वाढीच्या शक्यतेमुळे कोकोनट तेल उत्पादकांसह शेतकऱ्यांमध्येही धास्तीने वातावरण निर्माण झाले आहे.

या करवाढीमुळे उत्पादक, व्यापाऱ्यांना मोठा फटका बसण्याची शक्यता व्यक्त करण्यात येत आहे.

कोकोनट तेल, खोबरे आणि नारळ पेंडीला जीएसटी कायद्याच्या कारप्रणालीतून वगळण्यात यावे, अशी विनंती कोचीन ऑइल मर्चंट्स असोसिएशनने केंद्र सरकार आणि जीएसटी कौन्सिलला केली आहे.

सध्या कोकोनट तेल, खोबरे आणि नारळ पेंडीवर ५ टक्के जीएसटी कर आकारण्यात येतो.

गेल्या काही वर्षांपासून नारळ उत्पादन आणि कोकोनट तेल निर्मिती क्षेत्रासमोरील समस्या लक्षात घेता या वस्तूंना जीएसटीच्या कक्षेतून वगळण्याचा आग्रह धरण्यात येत आहे.

केरळमध्ये कोकोनट तेलाला प्रति किलो १४९ रुपये, तामिळनाडूत १३१ रुपयांचा दर आहे. केरळमध्ये खोबऱ्याला प्रति किलो ९१ रुपयांचा तर तामिळनाडूत प्रति किलो ८८ रुपयांचा दर आहे.