देवळाली (जि. सोलापूर) ः येथे सद्‍गुरु कृषी महाविद्यालय मिरजगाव (जि.नगर) येथील कृषिदूतांतर्फे (Krushidoot) माती परीक्षण प्रात्यक्षिक (Soil Test Demonstration) आयोजन करण्यात आले. ग्रामीण कृषी कार्यानुभव (Agriculture Work Experience) कार्यक्रमांतर्गत कृषिदूत देवळाली (जि. सोलापूर) येथे कार्यरत आहेत. यावेळी शेतकऱ्यांमध्ये माती परीक्षणासंबंधी जनजागृती (Soil Test Awareness) होण्यासाठी हा उपक्रम राबविण्यात आला.

माती परीक्षणामुळे जमिनीतील उपलब्ध अन्नद्रव्यांची माहिती होते. त्यामुळे कमतरता असलेल्या अन्नद्रव्यांचा पुरवठा करणे सोयीचे होते. त्यासाठी माती परिक्षण अत्यंत आवश्यक असे कृषिदूतांकडून सांगण्यात आले. यावेळी शेतकऱ्यांना मातीमधील उपलब्ध घटक, जमिनीचा सामू, मातीचा प्रकार याविषयी मार्गदर्शन करण्यात आले.

कृषिदूत अमर जाधव, प्रसाद जाधव, सुयोग भाकड, प्रशांत पावणे, सचिन राठोड, शुभम पोटे यांनी उपस्थित शेतकऱ्यांना मार्गदर्शन केले. या उपक्रमासाठी महाविद्यालयाचे प्राचार्य डॉ. रामदास बिटे, सागर खिलारे, राम खोसे, पूजा इनामके आदींचे मार्गदर्शन लाभले.