गव्हाला फुटवे फुटताना सिंचनाची अत्यंत आवश्‍यकता असते.
गव्हाला फुटवे फुटताना सिंचनाची अत्यंत आवश्‍यकता असते.  
ॲग्रो गाईड

गव्हाला द्या संरक्षित पाणी

डॉ. भरत रासकर, डॉ. सुरेश दोडके

गहू पिकाला एकच पाणी देणे शक्‍य असल्यास ते लागवडीनंतर ४० ते ४५ दिवसांनी कांडी धरण्याच्या अवस्थेत द्यावे. पहिल्या पाण्याच्या वेळेला युरिया खताचा दुसरा हप्ता हेक्‍टरी १३० किलो युरिया द्यावा. हलक्‍या जमिनीमध्ये पिकाला  पाण्याचा ताण पडणार नाही याची काळजी घ्यावी.

  • पेरणीनंतर गव्हाचे वाढीच्या संपूर्ण कालावधीत पाण्याची गरज असते.  अपेक्षित उत्पादनासाठी पिकाच्या संवेदनशील अवस्थेत पाणी दिल्यास खतांचा कार्यक्षम वापर होण्यास मदत होते.
  • गव्हाची पेरणी होऊन एक ते दीड महिन्याचा कालावधी झाला असेल त्यांनी तक्तामध्ये दिल्याप्रमाणे गव्हाच्या पिकास संवेदनशील अवस्थेत पाणी द्यावे. मध्यम जमिनीत एक ज्यादा पाणी गरजेनुसार द्यावे.
  • ज्या शेतकऱ्यांनी हलक्‍या जमिनीमध्ये गव्हाची पेरणी केली आहे, त्यांनी पाण्याचा ताण पडणार नाही याची काळजी घ्यावी.
  • तुषार सिंचनाच्या माध्यमातून पाणी दिल्यास २५ टक्के पाण्याची बचत होते. पहिल्या पाण्याच्या वेळेला युरिया खताचा दुसरा हप्ता हेक्‍टरी १३० किलो युरिया द्यावा. पहिले पाण्यास उशीर झाल्यास उत्पादनात हेक्‍टरी दोन क्विंटल घट येऊ शकते.
  • पाण्याचा तुटवडा असल्यास शेततळ्याच्या माध्यमातून गव्हाच्या पिकास संरक्षित पाणी द्यावे. त्यामध्ये एकच पाणी देणे शक्‍य असल्यास ते ४० ते ४५ दिवसांनी कांडी धरण्याच्या अवस्थेत द्यावे.
  • गहू पिकास पेरणीनंतर दोन पाणी देणे शक्‍य असल्यास, पहिले पाणी १८ ते २१ व दुसरे पाणी ६० ते ६५ दिवसांनी द्यावे. तीन पाणी देणे शक्‍य असल्यास, पहिले पाणी १८ ते २१ दिवसांनी, दुसरे पाणी ४० ते ४५ व तिसरे पाणी ६० ते ६५ दिवसांनी द्यावे.

    •                                                         पाणी व्यवस्थापन

    पाणी     देण्याची वेळ    पिकाची अवस्था
    पीक वाढीच्या काळात पाणी व्यवस्थापन पीक वाढीच्या काळात पाणी व्यवस्थापन पीक वाढीच्या काळात पाणी व्यवस्थापन
    पहिले पाणी     पेरणीनंतर १८ ते २१ दिवसांनी   मुकुटमुळे फुटण्याची सुरवात
    दुसरे पाणी    पेरणीनंतर ४० ते ४५ दिवसांनी   कांडी धरण्याची अवस्था
    तिसरे पाणी     पेरणीनंतर ६० ते ६५ दिवसांनी    पीक फुलोऱ्यात असताना
    चौथे पाणी      पेरणीनंतर ८० ते ८५ दिवसांनी    दाणे भरण्याची अवस्था

    संपर्क : डॉ. भरत रासकर ८७८८१०१३६७ (कृषी संशोधन केंद्र, निफाड, जि. नाशिक)

    Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Also Read

    Ocean Weather : हिंद महासागरात कायमस्वरूपी सागरी उष्ण लाटांची शक्यता

    Bajari Harvesting : उन्हाळी बाजरी काढणीच्या अवस्थेत

    Crop Damage : एक लाख हेक्टरवरील पिके नष्ट

    Silk Cocoon Market : रेशीम कोष खरेदी बाजारात आवक मंदावली

    Summer Weather : विदर्भ, मराठवाड्यात उष्ण लाटा शक्य

    SCROLL FOR NEXT