Nanded News : पुनर्रचित हवामान आधारित फळ पीक विमा योजना नांदेड जिल्ह्यात भारतीय कृषी विमा कंपनी या विमा कंपनीकडून मृग बहार सन २०२४ मध्ये मोसंबी, चिकू, पेरू, सीताफळ व लिंबू या पाच फळपिकांसाठी तर आंबिया बहार सन २०२४-२५ मध्ये संत्रा, मोसंबी, केळी, आंबा व पपई या पाच फळपिकांसाठी नांदेड जिल्ह्यामध्ये फळपिकांच्या हवामान धोक्यांच्या निकषानुसार राबविण्यात येणार आहे.

पुनर्रचित हवामान आधारित फळपीक विमा योजनेत सहाभागी होणाऱ्या शेतकऱ्यांनी ई-पीक पाहणी करणे बंधनकारक आहे. ज्या शेतकऱ्यांनी फळपिकांचा विमा घेतलेला आहे. परंतु फळपिकांची ई-पीक पाहणी डिजिटल क्रॉप सर्वे मोबाईल ॲपद्वारे केलेली नाही.

त्यांनी २५ एप्रिल, २०२५ पर्यंत ई-पीक पाहणी पूर्ण करावी. अन्यथा १२ जून २०२४ रोजीच्या शासन निर्णयामधील तरतुदी नुसार सातबारा उताऱ्यावर ई-पिक पाहणीची नोंद नसलेले सर्व विमा अर्ज रद्द करण्यात येतील व फळपिक विम्याचा लाभदिला जाणार नाही, याची नोंद घ्यावी.

या बाबतीत सविस्तर माहितीचा १२ जून २०२४ चा शासन निर्णय महाराष्ट्र शासनाच्या संकेतस्थळावर उपलब्ध आहे, असे कृषी विभागाकडून करण्यात आले आहे.