Chhatrapati Sambhajinagar News : छत्रपती संभाजीनगर : मराठवाड्यातील ७५१ लघु व ७५ मध्यम प्रकल्पांपैकी १५ प्रकल्पातील पाणीसाठा जोत्याखाली गेला आहे. दुसरीकडे सर्व प्रकल्पांमधील उपयुक्त पाणीसाठा ८०.७२ टक्के राहिला आहे.

मराठवाड्यातील ११ मोठ्या प्रकल्पांपैकी बीड परभणी व हिंगोली जिल्ह्यातील प्रतिकृती एका प्रकल्पांमध्ये ५० ते ७५ टक्के तर छत्रपती संभाजीनगर, बीड व परभणीतील प्रत्येक एक, धाराशिवमधील २ व नांदेडमधील ३ मिळून ८ प्रकल्पात ७५ टक्क्यांपेक्षा जास्त पाणीसाठा शिल्लक आहे. मध्यम ७५ प्रकल्पांपैकी जालन्यातील एका प्रकल्पातील पाणीसाठा जोत्याखाली आहे.

छत्रपती संभाजीनगरमधील २ मध्यम प्रकल्पात २५ टक्के पेक्षा कमी, धाराशिव व छत्रपती संभाजीनगरमधील प्रत्येकी ३ तर जालना,बीड,लातूरमधील प्रत्येकी एका प्रकल्पात २५ ते ५० टक्के,  तर ११ प्रकल्पात ५० ते ७५ टक्के, छत्रपती संभाजीनगर व धाराशिवमधील प्रत्येकी १०, बीडमधील १२ ,नांदेडमधील ९, परभणीतील २,लातूरमधील ५ व जालन्यातील ४ मिळून ५२ प्रकल्पात ७५ टक्केपेक्षा जास्त पाणीसाठा आहे.

७५१ लघु प्रकल्पांपैकी १४ प्रकल्पातील पाणीसाठा जोत्याखाली आहे. दुसरीकडे ६७ प्रकल्पात २५ टक्केपेक्षा कमी, ९० प्रकल्पात २५ ते ५० टक्के,९ प्रकल्पात ५० ते ७५ टक्के आणि ३८७ लघु प्रकल्पात ७५ टक्क्यांपेक्षा जास्त पाणीसाठा आहे. मराठवाड्यातील एकूण ८७९ मोठ्या, मध्यम, लघु, प्रकल्पांसह गोदावरी, तेरणा, मांजरा, रेणा नदीवरील बंधारामध्ये ८०.७२ टक्के उपयुक्त पाणीसाठा शिल्लक असल्याची माहिती जलसंपदा विभागाच्यावतीने देण्यात आली.

छत्रपती संभाजी नगर व जालना जिल्ह्यातील लघू प्रकल्पांमधील उपयुक्त पाण्यासाठी सर्वात कमी आहे. त्या पाठोपाठ धाराशिव,हिंगोली, परभणी, बीड, नांदेड व लातूरचा लघु प्रकल्पातील शिल्लक पाणीसाठा बाबत अनुक्रमे क्रमांक लागतो.

मोठ्या प्रकल्पांची पाणीसाठा स्थिती
मराठवाड्यातील ११ मोठ्या प्रकल्पांपैकी जायकवाडी प्रकल्पात ९० टक्के, येलदरीमध्ये ९४ टक्के, सिद्धेश्वरमध्ये ७३ टक्के, माजलगावमध्ये ७१ टक्के, मांजरामध्ये ९२ टक्के, उर्ध्व पैनगंगामध्ये ९१ टक्के, निम्न तेरणामध्ये ९७ टक्के, निम्न मनारमध्ये ८५ टक्के, विष्णुपुरीत ८४ टक्के, निम्न दुधनामध्ये ६६ टक्के, तर सीना कोळेगाव प्रकल्पात ८८ टक्के उपयुक्त पाणीसाठा शिल्लक आहे.