APMC Elections Agrowon
ॲग्रो विशेष

Akluj Agriculture Produce Market Committee : समविचारी आघाडीच्या नेत्यांचा ‘वेट अँड वॉच’

शुक्रवारी (ता. २८) अकलूज बाजार समितीच्या संचालक मंडळाची निवडणूक होऊ घातली आहे.

Team Agrowon

Solapur District News : अकलूज कृषी उत्पन्न बाजार समिती (Akluj Agriculture Produce Market Committee) संचालक मंडळाच्या पंचवार्षिक निवडणुकीच्या निमित्ताने माळशिरस तालुक्यातील राजकीय वातावरण तापले असताना, विरोधी गटातील समविचारी आघाडीच्या नेत्यांनी ‘वेट अँड वॉच’ची भूमिका घेतली आहे.

अत्यंत चुरशीच्या होणाऱ्या या निवडणुकीत या गटाचे मतदान निर्णायक ठरणार आहे. यामुळे तमाम जनतेचे लक्ष समविचारी आघाडीतील नेत्यांच्या भूमिकेकडे लागले आहे.

शुक्रवारी (ता. २८) अकलूज बाजार समितीच्या संचालक मंडळाची निवडणूक होऊ घातली आहे. संचालक मंडळाच्या १८ जागांसाठी होत असलेल्या या निवडणुकीत सत्ताधारी विजयसिंह मोहिते- पाटील पॅनेलचे १८ व विरोधी माळशिरस तालुका शेतकरी विकास आघाडीचे १८ असे एकूण ३६ उमेदवार समोरासमोर उभे ठाकले आहेत.

निवडणुकीच्या निमित्ताने दोन्ही गटांकडून आयोजित प्रचार दौरे, बैठकांचा झंझावात सुरू आहे. यामध्ये एका बाजूला मार्केट कमिटीचा होत असलेला विकास व दुसऱ्या बाजूला भ्रष्टाचार, शेतकऱ्यांची होणारी पिळवणूक यावर सत्ताधारी व विरोधकांमध्ये आरोप-प्रत्यारोपाच्या फैरी झडत आहेत.

असे असताना, मोहिते-पाटील यांचा पारंपरिक विरोधी गट मात्र या सर्व प्रक्रियेत आजपर्यंत अलिप्त राहिला असल्याचे पाहायला मिळाले.

यावेळी सोलापूर जिल्हा कॉंग्रेसचे माजी अध्यक्ष प्रकाश पाटील, भाजपचे माजी जिल्हाध्यक्ष राजकुमार पाटील, राष्ट्रवादी काँग्रेसचे नेते पांडुरंग देशमुख, राष्ट्रवादीचे प्रांतिक सदस्य शंकरराव देशमुख, माजी डॉ. रामदास देशमुख, राष्ट्रवादीचे नेते प्रभाकर इंगळे- सरदेशमुख यांच्यासह तालुक्यातील विविध संस्थांचे पदाधिकारी उपस्थित होते.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Maharashtra Monsoon Update: घाटमाथा, मध्य महाराष्ट्र,मराठवाड्यात पावसाचा अंदाज

Agrowon Podcast: हळदीचे दर स्थिर; मोहरीचे दर टिकून, उडदाचा बाजार दबावात, गव्हाचे दर स्थिरावले, जिऱ्याचे भाव टिकून

Onion Subsidy: कांदा अनुदान योजना; सातबारावर नोंद नसलेल्या शेतकऱ्यांना २८ कोटींचे अनुदान

Banana Farming: केळी बागेचे उत्पादन वाढवण्यासाठी योग्य खत व पाणी व्यवस्थापन

Farmers Protest : ‘काळा’ पोळा करून सरकारला इशारा

SCROLL FOR NEXT