सातमाने (जि. नाशिक) ः येथे कृषी संजीवनी सप्ताहानिमित्त (Krishi Sanjiwani Week) एच.एच. श्री श्री मुरलीधर स्वामीजी कृषी महाविद्यालय, मालेगाव येथील उद्यानकन्यांनी वृक्षारोपण (Tree Plantation) कार्यक्रमाचे आयोजन केले. तसेच जिल्हा परिषद प्राथमिक शाळेतील विद्यार्थ्यांसमवेत गावामध्ये वृक्षदिंडी काढून जनजागृती करण्यात आली.

ग्रामीण उद्यान कार्यानुभव कार्यक्रमांतर्गत या उपक्रमाचे आयोजन करण्यात आले. या वेळी कृषी विज्ञान केंद्र, वडेल येथील विषय विशेषज्ञ विशाल चौधरी यांनी बीज प्रक्रिया व लष्करी अळी आदी विषयांवर शेतकऱ्यांना मार्गदर्शन केले. तसेच कृषी सहायक संदीप गलांडे यांचेही शेतकऱ्यांना मार्गदर्शन लाभले.

या उपक्रमाचे आयोजन उद्यानकन्या वर्षा मोहिते, प्रगती निरंजने, दुर्गा गोरडे, गायत्री वणवे, सुजाता ठाकरे यांनी केले. यासाठी डॉ. पी. ए. तूरबठमठ, डॉ. वैशाली पगार, प्रा. अमोल भुकन व महाविद्यालयातील प्राध्यापकांचे मार्गदर्शन लाभले. या वेळी गावातील प्रगतिशील शेतकरी आणि ग्रामस्थ उपस्थित होते.