Pune News : केंद्रातील मोदी सरकारचे यंदाचे पाच वर्ष पुर्ण होत आहेत. तर येत्या काही महिन्यातच लोकसभेच्या निवडणूका जाहीर होण्याची शक्यता आहे. त्याआधी १७ लोकसभेचा हा शेवटचा अर्थसंकल्प कधी होईल याकडे अनेकांचे लक्ष लागले होते. संसदेचे अर्थसंकल्पीय अधिवेशनाची सुरूवात ही ३१ जानेवारीला होणार असून ते ९ फेब्रुवारीपर्यंत असणार आहे. याबाबत संसदीय कामकाज मंत्री प्रल्हाद जोशी यांनी शुक्रवारी (ता. १९ रोजी) माहिती दिली

अर्थमंत्री निर्मला सीतारामन

संसदीय कामकाज मंत्री प्रल्हाद जोशी यांनी याबाबत सोशल मीडियावर माहिती देताना, अर्थमंत्री निर्मला सीतारामन या १ फेब्रुवारी रोजी अंतरिम अर्थसंकल्प सादर करतील असे म्हटलं आहे.

येणारे सरकार सादर करणार अर्थसंकल्प

पीटीआय या वृत्तसंस्थेनुसार, लोकसभा आणि राज्यसभा सचिवालयाने जारी केलेल्या अधिसूचनेनुसार जुने नाही तर येणारे सरकार हे अर्थसंकल्प सादर करेल. म्हणजेच एप्रिल-मेमध्ये होणाऱ्या लोकसभा निवडणुकीनंतर सत्तेवर येणारे नवीन सरकार पूर्ण अर्थसंकल्प सादर करेल.

शेवटचा अर्थसंकल्प

सध्याच्या लोकसभेचा कार्यकाळ हा १६ जून रोजी संपत आहे. म्हणजेच मोदी सरकारचा कार्यकाळ हा जून २०२४ पर्यंतचा आहे. त्यामुळे त्याच्याआधी लोकसभा निवडणुका घ्याव्या लागतील. त्यामुळे मोदी सरकारचे हे शेवटचे अधिवेशन असेल.