Jalna News : कुंभार पिंपळगाव, जि. जालना येथील कृषी उत्पन्न बाजार समिती यार्डातील आठवडे भुसार बाजारात बुधवारी (ता. २०) या हंगामातील नव्या कापसाची आवक सुरू झाली. मुहूर्तालाच ७० किलो कापसाची आवक झाली.

('ॲग्रोवन'चं व्हॉट्सअ‍ॅप चॅनल जॉईन करण्यासाठी येथे क्लिक करा)

बाजारात या हंगामातील पहिल्यांदाच आवक झालेल्या नव्या कापसाला ७१०० रुपये क्विंटल असा भाव मिळाला. श्रीपत धामणगाव येथील शेतकरी दत्तप्रसाद नारायण शिंदे यांनी कापूस विक्रीसाठी आणला होता. श्री. शिंदे यांनी (२२ मे) कापसाची लागवड केली.

पहिल्याच वेचणीचा कापूस त्यांनी लगेच आठवडी बाजारात विक्रीसाठी आणला. बाजार समितीच्या वतीने शेतकरी शिंदे यांचा शाल श्रीफळ देऊन सत्कार करण्यात आला.