Kolhapur News : हंगामासाठी एकरकमी एफआरपी प्रतिटन रुपये ३१४० रुपये देणार, अशी माहिती श्री दत्त-शिरोळ कारखान्याचे मार्गदर्शक संचालक उद्यानपंडीत गणपतराव पाटील यांनी दिली.

कारखान्याच्या २०२४-२५ च्या ५३ व्या ऊस गळीत हंगामाचा प्रारंभ गणपतराव पाटील यांच्या हस्ते झाला. मान्यवरांच्या हस्ते काटापूजन करण्यात आले.

कारखान्याचे कार्यकारी संचालक एम. व्ही. पाटील यांनी स्वागत केले. गणपतराव पाटील म्हणाले, की कारखान्याने नेहमीच सभासदांचे हित जोपासले आहे.

या हंगामात १५ लाख टन ऊस गाळपाचे उद्दिष्ट ठेवले आहे. कारखान्याचे चेअरमन रघुनाथ देवगोंडा पाटील यांनी आभार मानले.

कारखान्याचे व्हाईस चेअरमन शरदचंद्र पाठक, संचालक अरुणकुमार देसाई, अनिलकुमार यादव, संचालिका श्रीमती विनया घोरपडे, संचालक बाबासो पाटील, विश्वनाथ माने, शेखर पाटील आदी उपस्थित होते.