Anil Deshmukh News : अवकाळी पावसामुळे शेतकऱ्यांचे मोठ्या प्रमाणात नुकसान झाले आहे. खरीप हंगामात असलेली पावसाची अनियमितता, नंतर झालेली अवकाळीमुळे आधीच शेतकरी पुरता हवालदिल झाला आहे. अशा परिस्थितीत शेतकऱ्यांच्या नुकसान भरपाईकडे लक्ष्य लागून राहिले आहे. तर दुसरीकडे असंख्य शेतकऱ्यांनी पीक विम्याचा मिळण्यासाठी शेतकरी कंपन्यांना फोन लावले पण फोन नॉट रिचेबल आले. अजूनही विमा कंपन्यांचे प्रतिनिधी बांधावर येणार नसतील तर विम्याचा लाभ कसा मिळणार, असा सवाल माजी गृहमंत्री अनिल देशमुख (Anil Deshmukh) यांनी घेतली.

अवकाळी पावसामुळे अतोनात नुकसान झालेल्या तूर व कापूस पिकाची आमदार अनिल देशमुख यांनी पाहणी केली. यावेळी त्यांनी झालेल्या नुकसानीची स्थानिक शेतकऱ्यांकडून माहिती जाणून घेतली. त्यानंतर वाशिम, वर्धा आणि यवतमाळ येथील जिल्हाधिकाऱ्यांची भेट घेतली.

देशमुख यांनी दिलेल्या निवेदनात म्हटले की, सध्या होत असलेल्या अवकाळी पावसामुळे शेतकऱ्यांचे मोठ्या प्रमाणात नुकसान झाले आहे. खरीप हंगामात असलेली पावसाची अनियमितता, नंतर झालेली अवकाळीमुळे आधीच शेतकरी पुरता हवालदिल झाला आहे. शासनाने आता झालेल्या या नुकसानीचे तत्काळ पंचनामे करावेत आणि शेतकऱ्यांना त्वरित हेक्टरी ७५ हजार नुकसान भरपाई द्यावी, अशी मागणी केली.

यावेळी अनिल देशमुख यांनी जिल्हाधिकाऱ्यांना पीक विमा कंपन्यांच्या कार्यपध्दतीबद्दल तक्रार केली. पिकाचे नुकसान झाल्यानंतर हक्काची मदत मिळावी, यासाठी अनेक शेतकरी विमा कंपनीला फोन करत आहे. पण कुणाचा फोन लागत नाही तर कुणाचा उचलल्या जात नाही. चूकून उचलला गेला तर योग्य उत्तर मिळत नाही अशी परिस्थिती निर्माण झाली आहे. अनेक भागातील शेतकऱ्यांना अग्रीम विमा मिळाली. आता पीक वाया गेल्याने १०० टक्के पीक विम्याचा लाभ मिळाला नाही. विमा कंपन्याचे प्रतिनिधी जर शेतकऱ्यांच्या बांधावर जाणार नसतील तर त्यांना पीक विम्याचा कसा लाभ मिळणार, असा देशमुख यांनी सवाल केला.