Bhuldhana News : सोयाबीन-कापूस दरच्या प्रश्नासाठी स्वाभिमानी शेतकरी संघटनेचे नेते रविकांत तुपकर यांनी आंदोलन सुरू केले आहे. सरकारचे लक्ष्य वेधण्यासाठी आज सकाळी ते कार्यकर्त्यांसह बुलढाण्यातून मंत्रालयाचा ताबा घेण्यासाठी मुंबईच्या दिशेने रवाना झाले आहेत.

कापूस-सोयाबीनला चांगला भाव मिळावा, या मागणीसाठी रविकांत तुपकर यांनी सोमठाणा, ता. चिखली येथे अन्नत्याग आंदोलन सुरू आहे. त्यांच्या आंदोलनाचा आज चौथा दिवस आहे. त्यांच्या आंदोलनास शेतकऱ्यांसह विविध पक्षांच्या नेत्यांनी पाठिंबा दिला. शेतकऱ्यांच्या प्रश्नावर सरकारचे लक्ष वेधण्यासाठी आज ते बुलढाणा येथून शेतकऱ्यांसह मंत्रालयाचा ताबा घेण्यासाठी मुंबईच्या दिशेने रवाना झाले. आंदोलन चिघळण्याची शक्यता असल्याने पोलिसांनी कडक बंदोबस्त ठेवला आहे.