Latur News : विभागातील रब्बी हंगामातील (Rabi Season) सरासरी क्षेत्र १३ लाख ६३ हजार ९३१ हेक्टर असून १६ लाख ७९ हजार ३६१ हेक्टर क्षेत्रावर १२३ टक्के क्षेत्रावर प्रत्यक्ष पेरणी झाली होती. रब्बीतील पिकांच्या काढणीचा (Rabi Crop Harvesting) जोर वाढला आहे.

विकण्या क्षेत्र व स्थिती(स्रोत कृषी विभाग)

रब्बी ज्वारी ः पिकाचे सर्वसाधारण क्षेत्र ३ लाख ७१ हजार ८५७ हेक्टर असून आत्तापर्यंत २ लाख ९७ हजार ९०७ हेक्टर क्षेत्रावर पेरणी झालेली आहे. त्याची टक्केवारी ८० टक्के आहे. पीक सद्या पक्वतेच्या अवस्थेत आहे. रब्बी ज्वारी पिकाची सध्या काढणी सुरु असून १५ ते २० टक्के काढणी पूर्ण झालेली आहे.

गहू ः पिकाचे सर्वसाधारण क्षेत्र १ लाख ५६ हजार ५१९ हेक्टर असून आत्तापर्यंत १ लाख ५४ हजार २१६ हेक्टर क्षेत्रावर पेरणी झालेली आहे. त्याची टक्केवारी ९९ टक्के आहे.

पीक सद्या पक्वतेच्या अवस्थेत आहे. पिकाची सध्या काढणी सुरु असून ४० ते ५० टक्के काढणी पूर्ण झालेली आहे.

हरभरा ः पिकाचे सर्वसाधारण क्षेत्र ७ लाख ८६ हजार १२४ हेक्टर असून आत्तापर्यंत ११ लाख ५९ हजार ८३९ हेक्टर क्षेत्रावर पेरणी झालेली आहे.त्याची टक्केवारी १४८ टक्के आहे.

पीक सद्या पक्वतेच्या अवस्थेत आहे. पिकाची सध्या काढणी सुरु असून ६० ते ७० टक्के काढणी पूर्ण झालेली आहे.

मका : पिकाचे सर्वसाधारण क्षेत्र १७९७१ हेक्टर असून आत्तापर्यंत १७७६४ हेक्टर क्षेत्रावर पेरणी झालेली आहे. त्याची टक्केवारी ९९ टक्के आहे. पीक सद्या कणसे भरण्याच्या अवस्थेत आहे.

करडई-पिकाचे सर्वसाधारण क्षेत्र १९५३१ हेक्टर असून आत्तापर्यंत २३९४८ हेक्टर क्षेत्रावर पेरणी झाली. त्याची टक्केवारी १२३ टक्के आहे. पीक सद्या पक्वतेच्या अवस्थेत असून काही ठिकाणी पिकाची काढणी सुरु आहे तर ५० ते ६० टक्के काढणी पूर्ण झाली आहे.