Kolhapur Sugarcane Rate : कोल्हापूर जिल्ह्यात मागच्या काही दिवसांपासून ऊस दरावरून संघर्ष सुरू आहे. दरम्यान माजी खासदार राजू शेट्टी यांच्या नेतृत्वात कोल्हापूर आणि सांगली जिल्ह्यातील साखर कारखानदारांना खर्डा भाकरी आंदोलन सुरू आहे.

आज(ता.११) भाऊबीजेनिमीत्त कोल्हापूर जिल्ह्यातील शिरोळ व हातकंणगले तालुक्यातील महिलांनी खर्डा भाकरी देवून ओवाळणी करण्यास गेले असता आमदार प्रकाश आवाडे आणि महिला पदाधिकारी यांच्यात शाब्दिक वाद झाल्याने काही काळ वातावरण तणावाचे झाले.

यावेळी स्वाभिमानी महिला आघाडीच्यावतीने दिलेल्या माहितीनुसार, ऊस उत्पादक शेतकऱ्यांना सरकार व कारखानदारांनी वाऱ्यावर सोडले आहे. आंदोलनात तोडगा न काढल्याने व शेतकऱ्यांची दिवाळी रस्त्यावर गेली यामुळे दिपावली भाऊबीज निमित्त स्वाभिमानी महिला आघाडीच्यावतीने आमदार आवाडे यांना खर्डा भाकरी देवून ओवाळणी करण्यात आली.

दरम्यान आमदार आवाडे यांनी महिलांशी उध्दट उत्तरे देत तुम्ही चुकीच्यावेळी आंदोलने करत आहात. आम्हाला पैसे द्यायला जमत नाही. दंगा करायचं नाही एकट बोलायच. यावेळी सोबत गेलेल्या कार्यकर्त्यांना आत डावात ये बाजूला का राहिला आहेस अशा पध्दतीने मगरूरीने बोलून महिलांना परत पाठविले असल्याची माहिती सुवर्ण अपराज यांनी माहिती दिली.

कोल्हापूर जिल्ह्याचे पालकमंत्री हसन मुश्रीफ यांनाही खर्डा भाकरी

ऊस उत्पादक शेतकऱ्यांना सरकार व कारखानदारांनी वाऱ्यावर सोडले आहे. आंदोलनात तोडगा न काढल्याने व शेतकऱ्यांची दिवाळी रस्त्यावर गेली यामुळे दिपावली भाऊबीज निम्मीत्त स्वाभिमानी महिला आघाडीच्यावतीने आमदार खासदार लोकप्रतिनिधींना खर्डा भाकरी देवून ओवाळणी करण्यात आली.

कोल्हापूर जिल्हयाचे पालकमंत्री वैद्यकीय शिक्षण मंत्री हसन मुश्रीफ यांना कागल तालुक्यातील महिलांनी खर्डा भाकरी देवून ओवाळणी केली. यावेळी महिला आघाडीच्यावतीने पालकमंत्री मुश्रीफ यांना लवकरात लवकर ऊस दराचा निर्णय घ्यावा अशी मागणी करण्यात आली.