Pune News: पंतप्रधान शेतकरी सन्मान निधी (पीएम किसान) योजनेचा विसावा हप्ता येत्या शुक्रवारी (ता. २०) पात्र शेतकऱ्यांच्या बॅंक खात्यात जमा होण्याची शक्यता आहे.

राज्यातील ९२ लाखांहून अधिक शेतकऱ्यांना एकोणिसावा हप्ता २४ फेब्रुवारीला मिळाला होता. विसावा हप्ता एप्रिल ते जुलै २०२५ या तिमाहीचा असेल.

पंतप्रधान नरेंद्र मोदी शुक्रवारी बिहारच्या सिवान भागाचा दौरा करीत आहेत.

तेथील कार्यक्रमातून ते ९.८८ कोटी शेतकऱ्यांच्या बॅंक खात्यात ऑनलाइन पद्धतीने हप्ता जमा करण्याची शक्यता आहे.