शिणोली, जि. पुणे ः फदालेवाडी- उगलेवाडी (ता. आंबेगाव) येथे महाराष्ट्र शासन कृषी विभाग आंबेगाव, कृषी तंत्रज्ञान व्यवस्थापन यंत्रणा आत्मा व कृषी विज्ञान केंद्र नारायणगाव यांच्या संयुक्त विद्यमाने चारसूत्री पद्धतीने भात लागवड शेतकरी प्रशिक्षण आयोजित करण्यात आले होते

कृषी विज्ञान केंद्राचे विषयतज्ज्ञ राहुल घाडगे यांनी उपस्थित शेतकऱ्यांना चारसूत्री पद्धतीने भात लागवड करण्याच्या पद्धतीविषयी सविस्तर मार्गदर्शन केले. त्यानंतर कृषी विज्ञान केंद्राचे विषयतज्ज्ञ धनेश पडवळ यांनी बीज प्रक्रियेचे महत्त्व शेतकऱ्यांना सांगितले. तालुका कृषी अधिकारी टी. के. चौधरी यांनी शेतकऱ्यांना चारसूत्री पद्धतीचा अवलंब करावा तसेच बीज प्रक्रिया करूनच बियाणे पेरणी करावी, असे आवाहन केले.

या वेळी टी. एस. ग्रामीण बिगरशेती सहकारी संस्थेचे उपाध्यक्ष पुरुषोत्तम फदाले, आंबेगाव तालुका देखरेख संघाचे संचालक भरत फदाले, तालुका कृषी अधिकारी टी. के. चौधरी, सरपंच मीना बजरंग उगले, उपसरपंच शंकर शिंगाडे माजी जिल्हा, माजी परिषद सदस्य जनाबाई उगले, आरोग्य मंडळाचे काळेसाहेब भोर साहेब उपस्थित होते.

या कार्यक्रमाला मंडळ कृषी अधिकारी प्रवीण मुंढे, कृषी पर्यवेक्षक व्ही. एम. तळपे, कृषी सहायक नागेश मोहरे, सहायक रोहन शेटे पी. बी उगले, अमोल खमसे, अनिता केदारी, कृषी तंत्रज्ञान व्यवस्थापन यंत्रणेचे धोंडीभाऊ पाबळे उपस्थित होते.