Pune News : पुणे केंद्रीय मधुमक्षिका संशोधन (Pune Central Bee Research) व प्रशिक्षण संस्थेत १३ ते १७ मार्च या कालावधीत हिमाचल प्रदेश राज्यातील अधिकाऱ्यांना मधुप्रशोषन, मधुपरीक्षण विशेष प्रशिक्षण देण्यात आले. ह्या प्रशिक्षण कार्यक्रमामध्ये एकूण २० अधिकारी प्रतिक्षणार्थीनी प्रशिक्षण पूर्ण केले.

हिमाचल प्रदेशातील सिमला येथील फलोत्पादन संचालनालयामार्फत हे प्रशिक्षण आयोजित करण्यात आले होते.

प्रशिक्षण कार्यक्रमामध्ये, मधुपरीक्षण, मधुप्रशोधन विषयावर श्रुती कुंभार, मल्लमा, संस्थेच्या सेवानिवृत्त उपसंचालिका डॉ. डेजी थॉमस यांनी मधमाशीपालन व्यवस्थापन, शुभा मुजुमदार यांनी मधमाशांना होणारे रोग व त्यावर नियंत्रण, डॉ. के. लक्ष्मी राव यांनी मधुवनस्पती व रॉयल जेली संग्रहण यावर मार्गदर्शन केले.

तसेच रुचित फूड प्रॉडक्टच्या संचालिका सृष्टी विवेक खालोकर यांनी मधुउत्पादने व मद्याचे विविध पदार्थ, मधुचॉकलेट मधुबिस्कीट, मधाचे साबण बनविण्याचे प्रात्यक्षिक दाखविले.

प्रशिक्षणार्थींना एक दिवस महाबळेश्वर येथे मधुसागर मधोत्पादक संस्था व एपीकल्चर संस्था येथे मधमाशीपालनाचे कार्य दाखविण्यासाठी अभ्यास वर्गाचे आयोजन करण्यात आले होते.

कार्यक्रमाचे समारोप प्रसंगी संस्थेचे उपसंचालक प्राचार्य श्री. बसवराज यांच्या हस्ते प्रशिक्षणार्थ्यांना प्रमाणापत्रे वितरित करण्यात आली. कार्यक्रमाचे आयोजन सहसंचालक सुनील पोकरे यांनी केले होते.