Nashik News: लासलगाव कृषी उत्पन्न बाजार समितीच्या सभापती आणि उपसभापती पदांच्या निवडणुकीला मुंबई उच्च न्यायालयाने अखेर परवानगी दिली आहे. मात्र ही निवडणूक प्रलंबित याचिकेच्या अंतिम निकालाच्या अधीन राहील, असा स्पष्ट आदेश न्यायालयाने दिला आहे.

न्यायमूर्ती जी. एस. कुलकर्णी आणि न्यायमूर्ती अद्वैत एम. सेठना यांच्या खंडपीठाने २४ मार्च २०२५ ला ‘ज्ञानेश्‍वर भागीनाथ गांगुर्डे आणि अन्य विरुद्ध राज्य सहकारी निवडणूक प्राधिकरण (पुणे) आणि अन्य’ या प्रकरणावर सुनावणी घेतली.

यापूर्वी ४ मार्च २०२४ ला दिलेल्या आदेशात सुधारणा करून न्यायालयाने संबंधित बाजार समितीच्या सभापती आणि उपसभापती पदांच्या निवडणुकीला हिरवा झेंडा दाखवला. मात्र ही निवडणूक पुढील आदेशाच्या अधीन असेल आणि अंतिम निर्णयानंतरच त्यावर शिक्कामोर्तब होणार असल्याचे न्यायालयाने स्पष्ट केले आहे. पुढील सुनावणी ७ एप्रिल २०२५ रोजी मूळ याचिकेवर होईल. राज्य निवडणूक प्राधिकरणाला म्हणणे मांडण्यास वेळ मागवला आहे, असे सूत्रांनी सांगितले.