Washim News : जिल्ह्यात सिंचन विहिरींचा विषय बराच रेंगाळला आहे. मालेगाव तालुक्यात विहिरींच्या अनुषंगाने अनेकांनी प्रशासनाकडे तक्रारीही केल्या आहेत.

अशातच बुधवारी (ता. २३) सिंचन विहिरीचा लाभ मिळवून देण्यासाठी विहिरीच्या खर्चाची फाइल ऑनलाइन करण्यासाठी पैशाची मागणी केली.

मोबदला म्हणून साडेपाच हजारांची लाच घेणारा मालेगाव (जि. वाशीम) पंचायत समिती कनिष्ठ सहायक गजानन रतन इंगोले याला लाचलुचपत प्रतिबंधक विभागाने अटक केली.

गजानन इंगोले (वय ५२) हा पंचायत समितीत कनिष्ठ सहायक पदावर रुजू आहे. त्याने वाशीम येथील तक्रारदाराला त्याच्या वडिलांच्या नावे असलेल्या सिंचन विहिरीच्या खर्चाची फाइल ऑनलाइन करून शासनाकडून रक्कम मिळवून देण्यासाठी सहा हजारांची लाच मागितली होती. या प्रकरणी बुधवारी सापळा रचून कारवाई केली.