Maharashtra Cold : पुणे : किमान तापमानात वाढ होत असल्याने राज्यात गारठा काहीसा कमी झाला आहे. १० अंशांच्या खाली घसरलेला पारा पुन्हा वर सरकला आहे.

आजपासून (ता. २९) राज्याच्या किमान तापमानात २ ते ३ अंशांनी वाढ होण्याची शक्यता हवामान विभागाने वर्तविली आहे.

राज्याच्या किमान तापमानात हळूहळू वाढ होत आहे. गुरुवारी (ता. २८) धुळे येथील कृषी महाविद्यालयात राज्यातील नीचांकी ९.४ अंश सेल्सिअस तापमानाची नोंद झाली. तर उर्वरित राज्यात तापमानाचा पारा १० अंशांच्या वरच आहे.

आज (ता. २९) राज्याच्या किमान तापमानात वाढ होण्याची शक्यता आहे. गारठाही कमी होण्याचा अंदाज हवामान विभागाने वर्तविला आहे.

गुरुवारी (ता. २८) सकाळपर्यंतच्या २४ तासांमध्ये नोंदले गेलेले कमाल तापमान, कंसात किमान तापमान (अंश सेल्सिअस मध्ये) :
पुणे ३१.३ (१२.१), धुळे ३३.० (९.४), जळगाव २९.९ (१३.९), कोल्हापूर - (१७.२), महाबळेश्वर २६.२ (१४.६), नाशिक ३२.३ (१४.१), निफाड ३०.४ (११.२), सांगली ३१.८ (१६.८), सातारा ३२.२ (१३.८), सोलापूर ३२.२(१६.४), सांताक्रूझ ३४.० (१९.८), डहाणू २८.३ (१९.६), रत्नागिरी ३६.३ (२१.६), छत्रपती संभाजीनगर ३०.६ (१३.०),

नांदेड ३०.२ (१६.०), परभणी ३०.१ (१३.८), अकोला ३१.८ (१५.३), अमरावती ३०.६ (१४.९), बुलडाणा ३१.२ (१५.४), ब्रह्मपुरी ३२.५ (१४.२), चंद्रपूर २९.२(१३.०), गडचिरोली ३०.० (१३.०), गोंदिया २८.५ (१२.४), नागपूर २९.६(१४.८), वर्धा २९.५(१५.०), वाशीम ३०.२ (१४.४), यवतमाळ ३०.० (१३.०).

थंड वाऱ्याचे प्रवाह कमी
उत्तर भारतातही थंडीचा कडाका कमी-अधिक होत असून, गुरुवारी (ता. २८) राजस्थानमधील सिकार येथे देशाच्या सपाट भू-भागावरील नीचांकी ५ अंश सेल्सिअस तापमानाची नोंद झाली आहे.

पंजाब, हरियाना, चंडीगड, दिल्ली, उत्तर प्रदेश, मध्य प्रदेश, राजस्थान, बिहार, झारखंडमध्ये अनेक भागात किमान तापमान ८ ते १२ अंशांच्या दरम्यान होते. उत्तरेकडून महाराष्ट्राकडे येणारे थंड वाऱ्यांचे प्रवाह काहीसे कमी झाल्याने राज्यात गारठा कमी झाला आहे.