Pune News: जिल्ह्यात पश्चिम पट्ट्यातील मावळ, मुळशी, भोर आणि वेल्हा तालुक्यांत पावसाचा जोर अधिक आहे. सोमवारी (ता.१६) सकाळी आठ वाजेपर्यंत मावळातील कार्ला, खडकाळा, ताकवे येथे सर्वाधिक १२७ मिलिमीटर पाऊस पडल्याची नोंद झाली. या पावसामुळे नद्यांतील पाणी पातळीच चांगलीच वाढ झाली आहे.

गेल्या आठवड्यापासून पावसास सुरुवात झाली आहे. जिल्ह्याच्या विविध भागांत जोरदार पाऊस कोसळत आहे. मागील आठवड्यात शिरूर, दौंड, बारामती, इंदापूर, सासवड तालुक्यांत दमदार पाऊस झाला. त्यामुळे या भागात पेरण्यांना सुरुवात झाली आहे. या भागात सध्या अधूनमधून सरी कोसळत असल्याने पिकांना चांगलाच आधार मिळत आहे.

परंतु मागील दोन दिवसांपासून पश्चिमेकडील तालुक्यात जोर वाढला आहे. त्यामुळे भात खाचरे भरून वाहत असून अनेक ठिकाणी धूळ वाफेवरील व एसआरटी पद्धतीच्या भात लागवडी खोळंबल्या आहेत. तर काही ठिकाणी रोपवाटिकेच्या कामांना अडचणी आल्या आहेत.

जिल्ह्यात रविवारी (ता. १५) रात्रीपासून पावसास सुरुवात झाल्यानंतर सोमवारी दुपारपर्यंत पावसाची चांगलीच संततधार सुरू होती. त्यानंतर पावसाने काही प्रमाणात उघडीप दिली होती. परंतु ढगाळ वातावरणाची स्थिती कायम होती. हवेलीतील खेड येथे ३७ मिलिमीटर, तर चिंचवड ३५, कळस २०, हडपसर २७, खडकवासला २८ मिलिमीटर पाऊस पडला. तर पुणे वेधशाळा, केशवनगर, कोथरूड, थेऊर, उरुळीकांचन, भोसरी, वाघोली, अष्टापूर येथे हलका पाऊस झाला.

मुळशीतील माले, मुठे, कोळवण ७२, थेरगाव २४, पौड, घोटावडे, पिरंगुट, कासार आंबोली, सावरगाव ४६, मान, वेळू ३५, भोरमधील भोलावडे, नसरापूर ३६, भोर शहर, संगमनेर, हर्नास ३४, किकवी २६, आंबवडे, निगुडघर ५३, मावळमधील तळेगाव ३४, काले ५०, लोणावळा ८६, शिवणे ३१, परिंदवाडी ३१, ताकवे ५१, वाडेश्वर ५१, कुसगाव ८६, वेल्ह्यातील पानशेत, विंझर ४३.

वेल्हा ४१, आंबवणे ३६ मिलिमीटर पाऊस झाला. जुन्नरमधील नारायणगाव, वडगाव आनंद, निमगाव सावा, बेल्हा, राजूर, डिंगोरे, आपटाळे, ओतूर, वडज, ओझर येथे तुरळक सरी पडल्या. खेडमधील पाईट, करंजविहीरे येथे ३२, तर चाकण येथे २० मिलिमीटर पाऊस पडला असून वाडा, राजगुरुनगर, कुडे, आळंदी, पिंपळगाव, कन्हेरसर, कडुस, वेताळे येथे हलका पाऊस झाला.

आंबेगावमधील घोडेगाव, आंबेगाव, कळंब, पारगाव, मंचर, निरगुडसर, शिरूरमधील टाकळी, वडगाव, न्हावरा, मलठण, तळेगाव, रांजणगाव, कोरेगाव, पाबळ, शिरूर, निमोणे, बारामतीमधील माळेगाव, पणदरे, वडगाव, लोणी, सुपा, मोरगाव, उंडवडी, शिर्सुफळ अशा काही ठिकाणी पावसाचा शिडकावा झाला. इंदापुरातील भिगवण, इंदापूर, लोणी, बावडा, काटी, निमगाव, अंथुर्णी, सणसर, पळसदेव, लाखेवाडी भागात पावसाने उघडीप दिली.

दौंडमधील देऊळगाव, पाटस, यवत, केडगाव, राहू, वरवंड, रावणगाव, दौंड, बोरी भडक, खामगाव, वडगाव बांदे, पारगाव, बोरी पारधी, गिरीम, कुरकुंभ येथे तुरळक सरी बरसल्या. पुरंदरमधील सासवड येथे २७ मिलिमीटर, तर भिवंडी, कुंभारवळण, जेजुरी, परिंचे, राजेवाडी, वाल्हा, शिवरी येथे हलका पाऊस झाला.