Sindhudurg News: जिल्ह्याच्या काही भागांत जोरदार, तर काही भागांत पावसाच्या हलक्या सरी सुरू आहेत. शुक्रवारी (ता. २१) रात्रभर पावसाचा जोर होता. शनिवारी (ता २१) सकाळपासून जिल्ह्याच्या बहुतांशी भागात हलक्या सरी सुरू आहे.

जिल्ह्यात गेल्या काही दिवसांपासून मध्यम ते हलक्या स्वरूपाच्या सरी सुरू होत्या. शुक्रवारी जिल्ह्याच्या काही भागात जोरदार, तर काही भागात हलक्या स्वरूपाच्या सरी सुरू होत्या. जिल्ह्यातील सावंतवाडी, कणकवली, वैभववाडी, दोडामार्ग या तालुक्यांमध्ये जोरदार पाऊस झाला.

रात्रभर या तालुक्यांमध्ये पावसाच्या जोरदार सरी सुरू होत्या, तर कुडाळ, वेंगुर्ला, देवगड, मालवण या तालुक्यांमध्ये पावसाच्या हलक्या सुरू आहेत. शनिवारी पहाटेपासून पावसाच्या हलक्या सरी सुरू असून ऊन देखील पडत असल्याचे चित्र आहे.

किनारपट्टी तालुक्यात पावसाच्या तुरळक सरी पडत आहेत. जिल्ह्याच्या पूर्वपट्ट्यात वाऱ्याचा वेग देखील वाढला आहे. त्यामुळे काही ठिकाणी झाडे उन्मळून पडून नुकसान झाले आहे.