Nashik News : शिवारखरेदीत पारदर्शकता नसल्याने द्राक्ष उत्पादक शेतकऱ्यांची कोट्यवधी रुपयांची फसवणूक होत आहे. काही व्यापारी अधिक दराचे तर कुणी मालाची खरेदी करताना धनादेश देऊन नंतर पैसे देतो असे सांगून फसवणूक करतात.

अशा गंभीर प्रकारांची शेतकऱ्यांनी पोलिस अधीक्षक विक्रम देशमाने यांच्याकडे कैफियत मांडली. फसवणुकीमुळे पैसा राहिलेला नाही, आम्ही जगायचं कसं? आमची आर्थिक कोंडी झाल्याने तपासाला गती देत आम्हाला न्याय मिळवून द्या, अशी मागणी फसवणूक झालेल्या द्राक्ष उत्पादक शेतकऱ्यांनी केली आहे.

महाराष्ट्र राज्य द्राक्ष बागायतदार संघाच्या माध्यमातून नाशिक येथील विशेष पोलिस महानिरीक्षक कार्यालयात कृषिमंत्री माणिकराव कोकाटे यांच्या उपस्थितीत बैठक झाली. या वेळी विशेष पोलिस महानिरीक्षक दत्तात्रय कराळे, पोलिस अधीक्षक विक्रम देशमाने आदी उपस्थित होते.

या वेळी शेतकऱ्यांचे म्हणणे तसेच काही महत्त्वाची पोलिस अधीक्षक विक्रम देशमाने यांनी स्वतः ऐकून घ्यावी. यासाठी शनिवारी (ता. २८) शेतकऱ्यांना भेटीसाठी वेळ दिली होती. या वेळी शेतकऱ्यांनी चौकशी पारदर्शकपणे व्हावी, अशी मागणी आहे.

बैठकीत गेल्या सात-आठ वर्षांत फसवणूक झालेल्या द्राक्ष उत्पादक शेतकऱ्यांनी व्यथा मांडल्या. त्यासंदर्भात पोलिस अधीक्षक देशमाने यांनी शेतकन्यांना सावधानतेचे आवाहन करताना महत्वाच्या सूचना केल्या आहेत.

द्राक्ष उत्पादक शेतकन्यांनी अनोळखी व्यापाऱ्यांना माल विक्री न करता त्याची पार्श्वभूमी तपासावी जो व्यापारी शिवार खरेदी करतो. त्याची माहिती स्थानिक पोलिस ठाण्याला द्यावी, व्यापाऱ्याने पोलिस ठाण्यामार्फत तत्काळ व्हेरिफिकेशन करून घ्यावे, यामुळे गुन्ह्यांची माहिती मिळू शकेल. शेतकऱ्यांनी बळीराजा हेल्पलाइनचा वापर करावा, असे आवाहन अधीक्षक देशमाने यांनी केले आहे.

संशयितांना व्हीआयपी ट्रीटमेंट?

द्राक्ष बागायतदार संघाने उपमुख्यमंत्री अजित पवार यांच्याकडे पाठपुरावा करून चौकशीची मागणी लावून धरली. त्यावर मंत्रालयात ३० ऑगस्ट रोजी बैठक झाली. पुढे सूत्रे फिरली. चर्चेत असलेली पूर्वा चव्हाण हिला पोलिसांनी अटक केली. मात्र शेतकऱ्यांची फसवणूक करणाऱ्या व्यक्तींना पोलिस ठाण्यात व्हीआयपी ट्रीटमेंट मिळत असल्याचा आरोप शेतकऱ्यांचा आहे. त्यामुळे पा