Maharashtra Gram Panchayat Election Result Live : राज्यभरातील २ हजार ३६९ ग्रामपंचायत निवडणुकींसाठी काल मतदान झाले. या निवडणुकीत २ हजार ९५० सदस्यपदांच्या तर १३० सरपंचांच्या रिक्तपदांच्या पोटनिवडणुका झाली. आज सकाळी ८ वाजल्यापासून मतमोजणीला सुरुवात झाली. सर्वच मतमोजणी केंद्राच्या परिसरात कडक पोलीस बंदोबस्त तैनात करण्यात आला होता.

महाराष्ट्रातील सत्तासंघर्षानंतर सर्व पक्ष निवडणुकींकडे लक्ष लागून राहिला आहे. परंतु नगरपालिका, पंचायत समिती आणि जिल्हा परिषदेच्या निवडणुका निवडणुका रखडल्या आहेत. अशा परिस्थितीत ग्रामपंचायत निवडणुकांमध्ये सर्वच पक्षांनी आपली ताकद दाखवण्याचा प्रयत्न केला. मात्र आगामी लोकसभा आणि त्यानंतर विधानसभा निवडणुकांच्या निमित्ताने यावेळी जनतेचा कौल कोणाकडे आहे हे या निवडणुकांतून आजमावता येणार आहे. त्यामुळे या निवडणुकांना महत्त्व आहे.

राज्यभरातील २ हजार ३६९ ग्रामपंचायतींची निवडणूक जाहीर झाली होती. त्यापैकी १८५ ग्रामपंचायत निवडणुका बिनविरोध झाल्या. त्यामध्ये पार पडल्या आहेत. २ हजार ३५९ ग्रामपंचायतींसाठी काल मतदान झाले. सरासरी ७४ टक्के मतदान झाले

नागपूर जिल्ह्यातील काटोल विधानसभा मतदारसंघातील ग्रामपंचायत निवडणुकीत राष्ट्रवादीचे नेते अनिल देशमुख यांना मोठा धक्का बसला आहे. सुरुवातीच्या सहा निकालामध्ये खणगाव, लिंगा आणि घरतवाडा, सबकुंड येथे भाजपने बाजी मारली आहे. तर खुटंबा आणि घरतवाडा येथे अपक्षांची सत्ता आली आहे.

पुणे जिल्ह्यात आंबेगाव तालुक्यातील ५ ग्रामपंचायत निवडणुकीचे निकाल हाती आले असून ३ ग्रामपंचायतीवर अजित पवार गटाने सत्ता मिळवली. तर दोन जागांवर स्थानिक आघाडींना यश मिळले आहे. बारामती तालुक्यातील सर्व २६ ग्रामपंचायतींपैकी २४ ग्रामपंचायतीवर अजित पवार गटाकडे आल्या. तर २ ग्रामपंचायती भाजपच्या ताब्यात आल्या आहेत.

बीडमधील परळी तालुक्यातील ३ ग्रामपंचायतीपैकी २ ग्रामपंचायतीवर धनंजय मुंडे यांच्या समर्थकांनी सत्ता मिळवली. तर पंकजा मुंडे यांच्या गटाला फक्त १ ग्रामपंचायतीत यश आले. जळगाव ग्रामीण मतदारसंघातील ३४ ग्रामपंचायतींपैकी २९ ग्रामपंचायतींवर शिंदे गटाने बाजी मारली. पाणी पुरवठा मंत्री गुलाबराव पाटील यांनी आपली पकड कायम ठेवली आहे. धुळे जिल्ह्यातील ३१ पैकी २५ ग्रामपंचायतीवर भाजपने वर्चस्व मिळवले आहे.